پروفیسر حمیداللہ شاہ ہاشمی کے تراجم میں علامہ اقبال کی کتاب پیام مشرق

رباعی شمارهٔ 50–دلت می لرزد از اندیشهٔ مرگ

تیرا دل موت کے خوف سے لرزتا رہتا ہے اس کے ڈر سے تو ہلدی کی مانند پیلا پڑ گیا ہے

رباعی شمارهٔ 51–ز پیوند تن و جانم چه پرسی

تو میرے جسم اور روح کے جوڑ (تعلق) کا کیا پوچھتا ہے میں کتنے اور کیسے کے جال میں نہیں پھنستا ۔

رباعی شمارهٔ 52–مرا فرمود پیر نکته دانی

ایک دانا بزرگ نے مجھ سے فرمایا تیرا ہر آج تیرے آنے والے کل کا پیغام ہے (زمانہ حال سے فائدہ اٹھا) ۔

رباعی شمارهٔ 53–ز رازی معنی قرآن چه پرسی؟

تو قرآن کے معنی رازی سے کیا پوچھتا ہے (خود) ہمارا دل اس کی آیتوں پر دلیل ہے ۔

رباعی شمارهٔ 54–من از بود و نبود خود خموشم

میں اپنے ہونے اور نہ ہونے کے بارے میں چپ ہوں ۔ اگر کہوں کہ ( میں ) ہوں (تو گویا) میں خود پرست ہوں ۔

رباعی شمارهٔ 55–ز من با شاعر رنگین بیان گوی

میری طرف سے رنگا رنگ شعر کہنے والے سے کہنا (اس) جلنے سے کیا فائدہ اگر تو لالے کی طرح جلا ۔ (لالہ اپنی آگ سے نہ خود جلتا ہے اور نہ دوسرے کو جلا سکتا ہے محض دیکھنے میں آگ کی طرح کا سرخ رنگ اور سیاہ داغ رکھنے والا ہوتا ہے ۔

رباعی شمارهٔ 56–ز خوب و زشت تو ناآشنایم

میں تیرے برے بھلے سے انجان ہوں (متفق نہیں ہوں ) تو نے فائدے اور نقصان کو کسوٹی (معیار) بنا رکھا ہے ۔

رباعی شمارهٔ 57–تو ای شیخ حرم شاید ندانی

اے شیخ حرم شاید تو نہیں جانتا کہ عشق کی دنیا کے لیے بھی جزا کا ایک دن (محشر) ہے ۔

رباعی شمارهٔ 58–چو تاب از خود بگیرد قطرهٔ آب

پانی کا قطرہ جب اپنے آپ سے چمک پکڑتا ہے (جو دوسروں کا محتاج نہیں ہوتا) وہ کئی سو موتیوں کے بیچ بے مثال ہو جاتا ہے ۔

رباعی شمارهٔ 59–من ای دانشوران در پیچ و تابم

اے عقلمندو میں سخت الجھن اور بیقراری میں ہوں عقل کے لیے یہ حقیقت سمجھنا مشکل ہے

رباعی شمارهٔ 60–میارا بزم بر ساحل که آنجا

کنارے پر بزم آراستہ نہ کر ۔ زندگی کا نغمہ دھیمے دھیمے اٹھان پکڑتا ہے ۔

رباعی شمارهٔ 61–سراپا معنی سر بسته ام من

میں سر سے پاؤں تک چھپی ہوئی حقیقت ہوں ۔ حرف بننے والوں کی نگاہ برداشت نہیں کرتا ( جو کچھ میں جانتا ہوں وہ نہیں جانتے) ۔

رباعی شمارهٔ 62–مگو از مدعای زندگانی

زندگی کے مقصد کے بارے میں زبان مت کھول ۔ اس کی اداؤں پر تیری نظر نہیں ۔

رباعی شمارهٔ 63–اگر کردی نگه بر پارهٔ سنگ

اگر تو پتھر کے ٹکڑے پر نظر کرتا تو وہ تیری آرزو کے فیض سے ہیرا بن جاتا ۔

رباعی شمارهٔ 64–وفا ناآشنا بیگانه خو بود

تو وفا سے انجان، سب سے الگ تھلگ رہنے والا (میرا دل ) تھا اس کی نظر (کسی کی) تلاش میں بے چین تھی ۔

رباعی شمارهٔ 65–مپرس از عشق و از نیرنگی عشق

عشق اور عشق کی جادوگری کا مت پوچھ تو جس رنگ میں چاہے وہ ظہور میں آ جاتا ہے ۔

رباعی شمارهٔ 66–مشو ای غنچهٔ نورسته دلگیر

اے تازہ تازہ اگے ہوئے غنچے اداس مت ہو تو اس باغ سے اور کیا چاہتا ہے (قدرت نے تیرا دل بہلانے کے لیے کیا کیا لوازمات رکھے ہیں ) ۔

رباعی شمارهٔ 67–مرا روزی گل افسرده ئی گفت

ایک دن مجھ سے ایک مرجھایا ہوا پھول بولا کہ ہماری ہستی (تو بس) چنگاری کی اڑان ایسی ہے (بہت تھوڑی ہے) ۔

رباعی شمارهٔ 68–جهان ما که پایانی ندارد

ہماری دنیا کہ جس کا کوئی کنارہ نہیں (بہت وسیع ہے) مچھلی کی طرح زمانے کے سمندر میں ڈوبی ہوئی ہے ۔

رباعی شمارهٔ 69–به مرغان چمن همداستانم

میں باغ کے پرندوں کی داستان بیان کرتا ہوں ۔ (ہم نواہوں ) میں گونگی کلیوں کی زبان ہوں ۔

رباعی شمارهٔ 70–نماید آنچه هست این وادی گل؟

یہ پھولوں بھری وادی (حقیقت میں ) جیسی ہے (کیا ویسی ہی) دکھائی دیتی ہے ۔

رباعی شمارهٔ 71–تو خورشیدی و من سیارهٔ تو

تو سورج ہے اور میں تیرا (تیرے گرد چکر لگانے والا)سیارہ ہوں ۔ میں تیرے دیدار سے سراپا نور بن گیا ہوں ۔ یعنی آدمی اس وقت تک ناقص ہے جب تک وہ اپنے خالق سے دور ہے اگر یہ دوری ہٹ جائے تو وہ اس کی صفات کا مظہر بن جاتا ہے ۔

رباعی شمارهٔ 72–خیال او درون دیده خوشتر

آنکھوں میں اس (محبوب) کا تصور خوب ہے ۔ اس کا غم بڑھا ہوا (اور اپنی) گھلتی ہوئی جان اچھی لگتی ہے ۔

رباعی شمارهٔ 73–دماغم کافر زنار دار است

میرا دماغ جنیو ڈالنے والا (بت پرست) کافر ہے ۔ بت بناتا بھی ہے اور بتوں کا پجاری بھی ہے ۔

رباعی شمارهٔ 74–صنوبر بندهٔ آزادهٔ او

صنوبر اس (ذات) کا آزاد کیا ہوا ایک غلا م ہے (کیونکہ اس پر دوسرے پودوں کی طرح خزاں کے اثرات نہیں ہوتے اسی لیے شاعروں نے صنوبر کو آزاد کہا ہے ۔ )پھول کے چہرے کی چمک دمک اس کی شراب (کی مستی) کی وجہ سے ہے ۔

رباعی شمارهٔ 75–ز انجم تا به انجم صد جهان بود

ستاروں سے ستاروں تک سینکڑون جہان تھے ۔ جہاں جہاں عقل نے پرواز کی آسمان تھا (کائنات کی وسعت کا اندازہ نہیں کیا جا سکتا) ۔

رباعی شمارهٔ 76–بپای خود مزن زنجیر تقدیر

اپنے پیروں میں تقدیر کی زنجیر مت ڈال ۔ اس (گردش کرنے والے) آسمان کے نیچے نکلنے کا ایک راستہ ہے ۔ تقدیر پر شاکر رہنے کی بجائے ہمت اور عمل سے کام لے ۔

رباعی شمارهٔ 77–دل من در طلسم خود اسیر است

رباعی شمارهٔ 78–نوا در ساز جان از زخمهٔ تو

اللہ تعالیٰ سے عرض کر رہے ہیں روح کے ساز میں آواز تیری مضراب سے ہے ۔ آپ کس طرح میری جان کے اندر بھی ہیں اور جان سے باہر بھی ۔

رباعی شمارهٔ 79–نفس آشفته موجی از یم اوست

(ہماری ) سانس اس (اللہ تعالیٰ) کے سمندر کی ایک بےقرار موج ہے جو ملنے کے لیے بے قرار ہے ۔ ہماری بانسری ہمارا نغمہ اسی کے دم سے ہے ۔ (بانسری جسم ہے اور نغمہ اس کا دم اور یہ دونوں وجود خالق کے سبب سے ہیں ) ۔

رباعی شمارهٔ 80–ترا درد یکی در سینه پیچید

اے خالق کائنات ایک وقت تھا کہ تو خود تو تھا لیکن اور کچھ نہ تھا ۔ اکیلے پن کا دکھ تیرے سینے میں پیچ و تاب کھا رہا تھا ۔

رباعی شمارهٔ 81–کرا جوئی چرا در پیچ و تابی

تو کسے ڈھونڈتا ہے، کس لیے پیچ و تاب میں ہے کہ وہ (تو) ظاہر ہے (البتہ) تو خودے پردے میں ہے۔

رباعی شمارهٔ 82–تو ای کودک منش خود را ادب کن

اے طفلانہ مزاج اپنا احترام کر (ادب سیکھ) تو مسلمان زادہ ہے(اولاد ) ہے حسب نسب ( کا چکر) چھوڑ (نسب پر فخر کرنا چھوڑ دے) ۔

رباعی شمارهٔ 83–نه افغانیم و نی ترک و تتاریم

ہم نہ افغان ہیں نہ ترک اور تاتاری ، ہم تو چمن کی آل ہیں اور ایک ہی شاخ سے ہیں ۔

رباعی شمارهٔ 84–نهان در سینهٔ ما عالمی هست

ایک دنیا جہان ہمارے سینے میں چھپی ہوئی ہے ۔ ہماری مٹی میں ایک دل ہے اور دل کے اندر غم (غم عشق) ہے ۔

رباعی شمارهٔ 85–دل من ای دل من ایدل من

اے میرے دل ، اے میرے دل ، اے میرے دل ، اے میرے سمندر ۔ اے میری کشتی ، اے میرے ساحل ۔

رباعی شمارهٔ 86–چه گویم نکتهٔ زشت و نکو چیست

میں کیا کہوں کہ نیکی اور بدی (خیر و شر) کیا ہے ۔ زبان لرزتی ہے کیونکہ (یہ) مضمون سخت مشکل ہے ۔

رباعی شمارهٔ 87–کسی کو درد پنهانی ندارد

وہ شخص جو چھپا ہوا دکھ (پوشیدہ درد عشق) نہیں رکھتا وہ بدن تو رکھتا ہے لیکن روح نہیں رکھتا ۔ ( اس کا بدن تو ہے مگر اس میں جان نہیں ۔ جان جسم کی جان ہے عشق جان کی جان ہے ۔ )

رباعی شمارهٔ 88–چه پرسی از کجایم چیستم من؟

تو کیا پوچھتا ہے کہ میں کہاں سے آیا ہوں اور کیا ہوں ۔ ان سوالوں کا جواب عقل کی دسترس سے باہر ہے ۔ خود اقبال کہتے ہیں خرد مندوں سے کیا پوچھوں کی میری ابتدا کیا ہے کہ میں ا س فکر میں رہتا ہوں میری انتہا کیا ہے ۔

رباعی شمارهٔ 89–به چندین جلوه در زیر نقابی

اتنی (بھرپور) رونمائی کے باوجود پردے میں ہے ۔ ہماری ارمان بھری نظر کو قبول نہیں کرتا ۔ معلوم ہوتا ہے کہ تو اسی لیے چھپا ہوا ہے کہ تو ہماری نگاہ شوق کو برداشت نہیں کر سکتا ۔

رباعی شمارهٔ 90–دل از منزل تهی کن پا بره دار

دل کو منزل سے خالی کر، قدم بڑھائے جا(منزل کا خیال دل سے نکال دے کیونکہ منزل کا نتیجہ سکون ہے اور سکون کا ثمرہ موت ہے ۔ ہر وقت سفر کے لیے آمادہ رہ) ۔ نگاہ کو سورج اور چاند کی طرح پاک رکھ (مسلسل عروج کا جذبہ پاکی نگاہ پر موقوف ہے) ۔ پاکی نگاہ عشق پر منحصر ہے

رباعی شمارهٔ 91–بیا ای عشق ای رمز دل ما

آ اے عشق! اے ہمارے دل کے بھید ، کہتے ہیں عشق انسانی دل یا انسان کی حقیقت ہے ۔ عشق کو دل سے جدا نہیں کیا جا سکتا ۔اے ہماری کھیتی اے ہماری فصل آ جا عشق ہی مقصد حیات ہے) آدمی کے ریشے ریشے میں سما جاتا ہے عشق شاخ گل میں جس طرح باد سحر گاہی کا نم

رباعی شمارهٔ 92–سخن درد و غم آرد ، درد و غم به

شعر (اگر) درد و غم پیدا کرتا ہے تو درد و غم اچھا ہے میرے لیے یہ ہر وقت کے بین اچھے لگتے ہیں ۔

رباعی شمارهٔ 93–نه من بر مرکب ختلی سوارم

نہ میں اختلافی گھوڑے پر سوار ہوں نہ کسی بادشاہ کے درباریوں میں سے ہوں ۔ (عاشق بادشاہوں سے بے نیاز ہوتا ہے) ۔

رباعی شمارهٔ 94–کمال زندگی خواهی بیاموز

تو زندگی کی تکمیل چاہتا ہے تو سیکھ آنکھ کھولنا اور اپنے علاوہ (کسی اور) پر نہ جمانا (اپنی خودی اور معرفت کے جوہر پر نگاہ رکھنا) ۔

بخش 1–گل نخستین

افکار ۔ گلِ نخستین

بخش 2–دعا

دعا

بخش 3–هلال عید

ہلال عید

بخش 4–تسخیر فطرت

آدم از بہشت بیروں آمدہ می گوید(آدم جنت سے نکل کر کہتا ہے) ۔

بخش 5–بوی گل

پھول کی خوشبو