غزل شمارهٔ 19

اے خدا! تو اس وقت مسلمانوں کو جان ہتھیلی پر رکھنے کا حکم مت دے (کیونکہ ان کے جسم جہاد کے قابل نہیں ہیں ) یا ان کے ناتواں جسموں میں طاقت وہمت بھر دے ۔ یعنی تیرے راستے میں لڑنے کا حوصلہ عطا کر دے یا ویسا کر دے یا ایسا کر دے ۔

یا تو ہندووَں کے پیشوا برہمن کو حکم دے کہ وہ پرانے خداؤں کی جگہ کوئی نیا خدا تراش لے یا تو خود زناریوں کے سینے میں اپنی ربوبیت کو جگہ دے ۔ مطلب یہ کہ ہندووَں میں بھی اپنے دیوتاؤں سے خلوص کم ہو چکا ہے یا تو انہیں پکا برہمن بنا دے یا ان کے دلوں میں اتر کر انہیں اپنا پرستار بنا لے ۔ یا ویسا کر یا ایسا کر ۔

اے خدا یا کوئی اور آدم پیدا کر جو شیطان سے مکر و چال کے لحاظ سے کمتر ہو یا دین اور عقل کے امتحان کے لیے ایک اور شیطان پیدا کر لے ۔ مطلب یہ کہ آج کے عہد کا انسان شیطانی سوچ کے لحاظ سے شیطان سے کہیں زیادہ بڑھ کر ہے اب تیری مرضی ہے ۔ یا ویسا کر یا ایسا کر ۔

یا کوئی نیا جہان پیدا کر یا اس جہان کے لیے کوئی نیا امتحان لے ۔ تو ہمارے ساتھ کب تک وہی پرانا کھیل کھیلتا رہے گا ۔ چنانچہ، یا ویسا کر یا ایسا کر ۔

اے خدا! اگر تو نے مجھے فقر بخشا ہے تو خسرو پرویز جیسے بادشاہ کی شان و شوکت میں عطا کر ۔ یا مجھے وہ عقل عطا کر جس کی فطرت حضرت روح الا میں فرشتہ جیسی ہو ۔ یا ویسا کر یا ایسا کر ۔

یا تو (اے خدا) میرے دل سے انقلاب کی تمنا ہی ختم کر لے یا پھر اس زمانے کی طبیعت بدل دے ۔ یا ویسا کر یا ایسا کر ۔