غزل شمارهٔ 42

آ کہ اہلِ مشرق نے نیا تعویذ باندھا ہے (وہ فرنگی جادوگروں کے طلسم کا توڑ تلاش کر چکے ہیں ) ۔ ایسی صورت میں اس بت (فرنگی افکار) کا طواف مت کر جسے توڑا جا چکا ہے) ۔

یہ کیسا جلوہَ محبوب ہے کہ جس پر نگاہ ڈالنے کی لذت سے دل راستے کی خاک سے چنگاری کی مانند اچھل رہے ہیں ۔

وسط ایشیا کے وہ نورانی مسلمان اب کہاں ہیں جو ہمیشہ شہر آشوب پسند کرتے تھے ۔ اب وہ نورانی جو اپنے سانسوں کی تیزی سے اپنا سینہ زخمی کر لیتے تھے ۔

تو بھی اپنی خودی کے ذوق تک رسائی حاصل کر کیونکہ مسلکِ عشق پر چلنے والے سارے جہان سے قطع تعلق کر کے خود سے پیوست ہو گئے ہیں ۔

مردہ لوگوں کے لیے ان کی نظروں میں یہ کائنات ایک قید خانہ ہے ۔ انھوں نے دو جام شراب کے پی کر جہان کے دکھوں اور غموں سے چھٹکارا پا لیا ۔ ذمے داریوں سے فرار حاصل کر لیا ۔ ) ۔

میں ان سواروں کی ہمت و جرات بیدا کا غلام ہوں ۔ جنھوں نے ستارے کو نیزے کی انی میں پرو دیا ۔ اور گرہ میں باندھ لیا ۔

اب فرشتوں کو دوبارہ اس سجدہ کی فرصت کہاں ہے ۔ اب یہ نوری مخلوق، خاکی مخلوق کے کارناموں کے تماشا میں مصروف ہے(اور اسے دادِ تحسین دے رہے ہیں کہ واقعی خالقِ کائنات کا یہ شاہکار ہمارے سجدہ کے لائق ہے) ۔