غزل شمارهٔ 43

مجھے عشق پر ناز ہے کہ اس کی ہستی کو زوال نہیں (عشق فانی نہیں ، بلکہ ابدی حقیقت ہے) وہ ایک ایسا کفر ہے جو حاضر و موجود کا زنار پہننے والا نہیں ۔

عشق اگر یہ حکم دے کہ اس کی راہ میں جان قربان کر دے تو بلا تکلف اپنی یہ شیریں جان اس پر نثار کر دے ۔ کیونکہ اصل مقصود تو محبوب کی ذات ہے یہ جان نہیں ۔

سومنات توڑنے سے کافری اور زیادہ مضبوط ہوتی ہے ۔ بت خانے کی رونق محمود کی یورش بغیر کوئی حیثیت نہیں رکھتی ۔ بقا کا خوف ہی قوموں کو مضبوط بناتا ہے ۔

مسلمان کی مسجد ہو رندوں کا میخانہ ہو، بت پرستوں کا مندر ہو یا آتش پرستوں کا کشت ہو میں نے ہر جگہ دیکھی ان جگہوں پر لوگوں کا دل لبھانے کے لیے سینکڑوں طرح کی جادوگری موجود تھی ۔ لیکن میرا دل خوش نہ ہو سکا کیونکہ وہاں وصل محبوب کا سامان ہی نہیں تھا ۔ یہ عبادت گاہیں تو نفرت کی آماجگاہیں بنی ہوئی ہیں ۔

میں نے نغمہ الاپنے کا فن پہاڑ سے اترنے والی ندی کے گنگناتے ہوئے پانی سیکھا ہے ۔ میں نے چمن دہر میں زندگی گزاری ہے ۔ وہاں تو ایک آہ بھی ایسی نہیں ۔ جس میں درد چھپا ہو ۔

میرے پاس آنے کے لیے شرط یہ ہے کہ تو سرد دم ہو اور دل میں عشق کی گرمی ہو ۔ کیونکہ حرکت تو تیرے اپنے باطن میں ہے ۔ حضرت داوَد کے نغمہ میں نہیں ۔

میرا کلام پڑھنے اور سننے والے کو چاہیے کہ میرے کلام میں عیب تلاش نہ کرے بلکہ میرے پیالے سے اپنے معیار کے مطابق شراب لے لے ۔ میری تلخ شراب کی لذت غم عشق کے بغیر حاصل نہیں ہو سکتی ۔