غزل شمارهٔ 4

مجھے اپنی دیدہ َ بینا سے اور ہی قسم کی شکایت ہے ۔ جب تو درشن دیتا ہے نظر میری آڑ بن جاتی ہے(دیکھنے کی تاب نہیں لا سکتی) ۔

فرشتوں سے مجھ خاک کے زنجیری کا ایک پیغام کہہ دینا مٹی کے پتلے سے خبردار کہ وہ اپنے آپ عارف کامل ہے(اگر وہ اپنی معرفت حاصل کرے تو اس مقام پر فائز ہو سکتا ہے جہاں تم ہرگز نہیں پہنچ سکتے) ۔

ہم نغمہ سرا ہیں اور بزم بہار میں جل رہے ہیں ۔ ہماری صبح کی فریاد ہی ہمارے پروں کے لیے شرر بن چکی ہے ۔

اپنے آپ سے وحشت کرنے والا کیا جانے کہ میرا نغمہ کہاں سے ہے اس کی دنیا اور ہے اور میری دنیا اور ہے ۔

میں گل لالہ کی طرح چمن کے ایک گوشے میں گرا پڑا ہوں ۔ میرا جگر کسی نگاہ کے تیر کے نشانے پر ہے ۔

جیتا جاگتا دل رکھنے والوں کے مذہب میں زندگی مشکل پسندی (کا نام) ہے میں نے کعبے کا سفر نہیں کیا کہ راستہ بے خطر ہے ۔

ان گنت محفلیں سجائی گئیں اور پھر برخاست کر دی گئیں اس ذرا سی سرائے میں جو چاند کی مشعل سے روشن ہے ۔

اٹھ اور اپنی مٹی سے ایک نیا آدم ڈھال کہ تجھے صرف چنگاری کی چمک اتنی مہلت ملی ہے (تیری زندگی بہت مختصر ہے) ۔

اگر تو ابو الہوس نہیں تو میں تجھ سے ایک نکتہ بیان کروں کہ بے اثر فریادوں سے عشق اور پختہ ہوتا ہے ۔

میرے نغمے نے عجم میں پرانی آگ پھر بھڑکا دی لیکن عرب ابھی تک میرے شوق کی لے سے بے خبر ہے۔