بخش 16 - کبر و ناز

برف نے غرور اور تکبر کے ساتھ پہاڑی ندی سے کہا تیری چیخ و پکار نے ہماری زندگی اجیرن کر رکھی ہے ۔

تو بے شرمی سے الاپتی رہتی ہے اور بے خوف ہو کر چلی جا رہی ہے ۔ ہر سال پہلے سے بڑھ کر بے حیا اور آوارہ بنتی جا رہی ہے ۔

تو کوہستانیوں کے قبیلے کے قابل نہیں ہے ۔ تو خود کو ابر کوہسار کی بیٹی مت کہہ ۔

تو خاک پر گرتی، گھومتی اور لوٹ پوٹ ہوتی ہے ۔ دوسرا راستہ اختیار کر اور کسی سبزہ زار کی جانب چل ۔

ندی بولی ایسی دل توڑنے والی بات نہ کہہ خود پر گھمنڈ نہ کر اور غرور کا پودا مت کاشت کر (تکبر نہ کر) ۔

میں تو جا رہی ہوں کیونکہ اس گھرانے کے لائق نہیں تو اپنے آپ کو چمکتے ہوئے سورج سے بچانا (ندی نے یخ کو اس حقیقت سے آگاہ کیا ہے کہ آفتاب کی شعاعوں سے پگھلنے سے پہلے میں بھی وہی تھی جو اس وقت تو ہے اور کچھ دنوں بعد تو بھی وہی ہو جائے گا جو آج میں ہوں ۔ )