غزل شمارهٔ 11

اگرچہ عقل کا شاہین اڑان کے لیے تیار ہے لیکن اس بیابان میں ایک تیر انداز بھی پوشیدہ ہے جو اسے آسانی سے شکار کر لیتا ہے ۔ عشق کی جہاں تک رسائی ہوتی ہے وہاں عقل کا کوئی عمل دخل نہیں ہوتا ۔

وہ چیز جو کسی بند کام کی گرہ کھول سکتی ہے اس دنیا میں موجود ہے ۔ وہ چیز عشق کے نغمہ گر عاشق کے عزم و حوصلہ میں پائی جاتی ہے ۔

اگر گفتگو کی ہمت اور حوصلہ ہے تو اسے سمجھنے والا کوئی نہیں ۔ اس انسان پر افسوس ہے کہ اس کی سینہ میں راز ہے (نہ تو وہ اس راز کو عیاں کر سکتا ہے اور نہ ہی پوشیدہ رکھ سکتا ہے) ۔

اگرچہ خالقِ کائنات نے مجھے سینکڑوں طرح کے سوز میں جلایا ہے لیکن یہ سوز کتنا اچھا کہ اس سوز میں لذت بھی موجود ہے ۔

ہم تو بے جان مٹی ہیں لیکن زندہ دل لوگوں کے قابل بن گئے ۔ یعنی اللہ نے ہمارے دل کو سوزِ عشق اور معرفت الہٰی سے آشنا کر دیا ۔

شعلہَ عشق سے ہمارا سینہ روشن ہونے والا ہے ۔ عشق کی نعمت سے ہمارے جسم خاکی کے تاریک گھر میں معرفت الہٰی کی روشنی پھیل گئی ہے ۔ لیکن یہ گھر کو برباد کرنے والا بھی ہے ۔ دنیاوی طور پر تو گھر کی بربادی نظر آتی ہے لیکن باطنی لحاظ سے یہ گھر ہر طرح آباد دکھائی دیتا ہے ۔

میں عقل پر چاہے وہ افلاطون کی ہی کیوں نہ ہو بھروسہ نہیں کرتا ۔ میرے پہلو میں عشق سے معمور چھوٹا سا دل ہے جو شوخ بھی ہے اور حسن پرست بھی ۔ مجھے اسی پر بھروسہ ہے ۔