غزل شمارهٔ 17

میرا محبوب گھوڑے پر سوا ہو کر راستہ میں بیٹھ کر اس کا انتظار کرنے والے عشاق پر نظر ڈالے بغیر گزر رہا ہے ۔ اے دوستو! مجھ تھام لو کہ میرا دل اب میرے قابو میں نہیں رہا (شراب عشق کے باعث مجھ پر نشہ طاری ہو رہا ہے) ۔

میں دوسروں سے اپنے دوست کے جلووَں کے بارے میں کیا کہوں کیونکہ وہ تو پلک جھپکنے میں چنگاری کی طرح سامنے سے گزر جاتا ہے ۔ اس کے جلوہَ حسن کا احاطہ کرنا ممکن نہیں ۔

اس چاند (محبوب) تک پہنچنا بڑا دشوار گزار ہے، کیونکہ اس تک پہنچنے کے لیے ستاروں کے شانوں پر سے گزرنا پڑتا ہے جو کہ آسان کام نہیں ۔

محبوب آسمان کی پردہ بندی کئے بیٹھا ہے ۔ یہ عاشق کے لیے نا امیدی کا پیغام نہیں ۔ کیونکہ عاشق کی نظر تو عرش سے بھی پرے جا سکتی ہے ۔ اس کی نظر کا تیر تو سخت پتھر کے بھی پار ہو جاتا ہے ۔ یہ پردہ تو معمولی چیز ہے ۔

ہماری شبنم ایک سمندر ہے اور کہکشاں اس کا کنارہ ہے ۔ وہ لہر کی ایک شکست سے کنارے سے گزر جاتی ہے ۔ اور سمندر میں مل کر سمندر بن جاتی ہے ۔ آدمی قطرہ شبنم کی طرح ہے اگر وہ عشق کے سمندر میں ڈوب جائے تو خود سمندر بن جائے ۔ یعنی خدا کی ذات میں غرق ہو کر خدائی صفات پیدا ہو جاتی ہے ۔

جب تو اس محبوب کی خلوت گاہ میں پہنچ جائے تو اسے نظر بھر کر نہ دیکھ کیونکہ یہ وہ وقت ہے جب کام نظارہ کی حد سے گزر کر وصال کی حدوں کو چھو رہا ہوتا ہے ۔

میں اپنے محبوب کے ہجر میں اب کس طرح رووَں کہ آنسووَں کے سیلاب کے باعث میرا دل آنکھوں کے راستے ٹکڑے ٹکڑے ہو کر باہر آ رہا ہے ۔ مجھے تو اپنے دل کا ماتم کرنے سے ہی فرصت نہیں ملتی، میں جدائی کا شکوہ کیا کروں