غزل شمارهٔ 16

مجھے مصروفِ طواف کعبہ دیکھ کر اگر تو یہ سمجھ رہا ہے کہ شاید طواف کعبہ ہی میرا اصل مقصد ہے تو تیرا یہ گمان غلط ہے ۔ میرا اصل مقصد تو خدا کا قرب حاصل کرنا ہے طواف کعبہ تو صرف ایک ذریعہ ہے ۔

اے خدا! تیرے وصال کے بغیر میں ایک بے رنگ چنگاری کی مانند ہوں ۔ تو مجھے اپنا رخِ روشن دکھائے بغیر نہ جا ۔ کیونکہ تیری ایک دو لمحوں کی تپش دیدار کی وجہ سے میرے دل کو ہمیشہ کا سوز حاصل ہو جائے گا ۔

میں جو راستہ طے کر چکا ہوں (تیرے عشق میں ) اس راستے سے میں واپس آنے والا نہیں ہوں ۔ میں نے آنے والی کل کے سراغ میں زمانے کے طرزِ عمل کو اپنا لیا ہے ۔ مطلب یہ کہ میری ماضی پر نظر نہیں ہوتی بلکہ میں مستقبل کے بارے میں سوچتا ہوں ۔

عشق کا سمندر ہی میری کشتی ہے اور عشق کا سمندر ہی میرا ساحل ہے ۔ اس لیے تو مجھے کشتی کے ڈوبنے کا ہوتا ہے اور نہ ہی میری خواہش ہے کہ کشتی کنارے جا لگے ۔

اے خدا! مجھ پر اپنے ہر عشق کی ایسی چنگاری پھینک، جس سے میرا جسم جل کر بھسم ہو جائے، کیونکہ میں تو منزل عشق کا نیا راہی ہوں ۔ ابھی تو مجھے اپنے آشیانہ کا غم کھائے جا رہا ہے ۔ مجھے اپنے عشق کے رموز سے آہستہ آہستہ آشنا کر ۔

اے میرے محبوب میں تو اس امید پر کہ تو ایک نہ ایک دن میرے شکار کے لیے آئے گا ، بادشاہوں کی کمند سے ہرن کی طرح چوکڑیاں بھرتا ہوا نکل آیا ہوں ۔ مطلب یہ کہ میں تو تیرا غلام ہوں مجھے بادشاہوں اور ان کے درباریوں سے کیا نسبت ہو سکتی ہے ۔

اے خدا! تو اگر مجھ پر اپنا رحم و کرم فرمائے تو میں اپنے معاشرے کے افراد یا اپنے دوستوں اور ہم صحبت احباب کو رات کی بزم سے بچی ہوئی دل کو روشنی کرنے والی شراب کے جام پلا سکتا ہوں ۔ مرا دیہ ہے کہ میں اپنے اسلاف کے اقدار کی دولت کو اپنے عہد کے مسلمانوں میں بانٹ دوں ۔