غزل شمارهٔ 52

(اے خالق کائنات) تو کب تک اپنے رُخ روشن پر صبح و شام کا پردہ کھینچتا رہے گا ۔ اپنی صورت مجھے دکھا اور اپنے نامکمل جلووَں کو مکمل کر دے ۔

عشق میں جو سوز گداز (حرار ت اور تڑپ) ہوتی ہے وہ ایسی حالت ہے جس سے مستی چھائی رہتی ہے ۔ لیکن تو مجھ سے بادہ جام کی مستی کر رہا ہے ۔ اگر میں سوز و گداز کے مقام کی مستی کا حال بیان کر دوں تو تجھے معلوم ہو جائے گا شراب عشق سے بڑھ کر مست کرنے والی اور شراب نہیں ہے ۔

میں نے زندگی کا نغمہ سنا کر (عشق) کی آگ کو بھڑکایا ہے ۔ تو اس پیاسے حلق والے گل لالہ کو شبنم کی نمی عطا کر (یعنی اہل شوق کو اپنی معرفت کی دولت عطا کر دے) ۔

عقل نے (زندگی اور کائنات) کی کتاب کے ہر ورق کا مطالعہ کیا ہے لیکن پھر بھی حقیقت تک نہیں پہنچ سکی ۔ وجہ یہ ہے کہ جال کے نیچے پرندوں کو پکڑنے کے لیے جو دانہ بکھیرا جاتا ہے اسے صرف عقل مند پرندہ ہی اڑا لے جا سکتا ہے اور دوسرے پرندے اپنی نادانی کے سبب دام میں پھنس جاتے ہیں (عشق زیرک ہوتا ہے اور عقل بے وقوف) ۔ عشق دانا پرندے کی طرح رمزِ عشق جان لیتا ہے اور عقل نادان پرندوں کی طرح دنیا کے گورکھ دھندے میں گرفتار ہو جاتی ہے ۔

کہاں یہ نغمہ اور کہاں ہیں ۔ یہ شاعری کا ساز تو نغمہ پیدا کرنے کا اک بہانہ ہے ۔ میں تو ایک حدی خواں کی طرح نغمے الاپ کر بے مہار اونٹنی کو ایک مرکز کی طرف بلا رہا ہوں ۔

اب تو بات صاف صاف کرنے کا وقت ہے لیکن میں اشاریوں اور رمزوں میں بات کر رہا ہوں (کیونکہ اہلِ ذوق کی کمی ہے) اے خدا! اب تو ہی بتا کہ میں ان ناپختہ کار دوستوں کو کہاں لے جاؤں ۔