غزل شمارهٔ 53

میں اپنی زندگی گزارنے کے لیے زندگی کے چکر میں پھنسا ہوا ہوں ۔ میں سمندر کی طرح شور کر رہا ہوں لیکن اپنے کناروں کے اندر ہی اندر بہہ رہا ہوں ۔ (انسان جتنی بھی ترقی کر لے اسے اپنی حدود میں ہی رہنا پڑتا ہے) ۔

اگر دریا کی موجوں کی ہیبت سے کسی کو بھی امان نہیں ۔ پھر بھی ہم اس کے صدف کی تنہائی میں خود کو محفوظ خیال کرتے ہیں ۔ جس طرح صدف کے اندر موتی تمام حوادث سے محفوظ رہتا ہے ۔ اسی طرح اللہ کے نیک بندے بھی (اولیاء) بھی خدا کی پناہ میں ہوتے ہیں ۔

وہ جوہر (خوبیاں ) جو ہمارے اندر پوشیدہ ہیں ۔ اسے جوہریوں سے پوچھنے کی کیا ضرورت ہے ۔ کیونکہ ہم تو خود اپنی کسوٹی ہیں (ہم کھرے کھوٹے کا خود فیصلہ کر سکتے ہیں ) ۔

ہم تو ایسے کھنڈر میں تبدیل ہو چکے ہیں کہ ہم سے کوئی (بادشاہ) خراج وصول نہیں کرتا ۔ ہم تو سر راہ بیٹھنے والے فقیر (دنیا سے بے نیاز) لوگ ہیں ۔ اپنی دنیا کے خود بادشاہ ہیں ۔

تیرے سوا ہمارے سینے میں کسی اور کی محبت ہو یہ کیسی عجیب بات ہے اب یہ کون جانے کہ وہاں تو ہے یا آئینے کے سامنے ہم ہی کھڑے ہیں ۔ مطلب یہ کہ میرے اور تیرے درمیان کوئی دوری نہیں ۔ یہ تو ایک واہمہ ہے ۔

اے خدا! اس خاک کے پتلے کی قسمت کیا ہے اس راز سے پردہ اٹھا دے اور بتا کہ وہ آخر ہے کیا کہ ہم بظاہر تو اپنے منتظر ہیں لیکن اصل میں ہم تیرا ہی انتظار کر ہے ہیں (اپنے آپ کی تلاش دراصل خدا ہی کی تلاش ہے) ۔