غزل شمارهٔ 37

تو اس دنیا میں اپنے سوا کوئی ایسا دوست نہیں پائے گا جو تیرے دل کی ناز برداری کرنا جانتا ہو ۔ اس لیے تو اپنے آپ میں گم ہو کر بازی عشق کے ناموس کی رکھوالی کر ۔

مجھے اس کائنات کے منتظم اعلیٰ خالق کائنات سے یہ شکایت ہے کہ وہ اپنی نمود اور ظہور کے اس قدر ذوق کے باوجود ہم سے اپنے کام کرنے کے انداز پوشیدہ رکھتا ہے ۔

یہ نازک معنی ایاز کے سوا کوئی نہیں جانتا کہ غز نوی کی محبت ایاز کے درد اور بڑھا دیتی ہے (خالق کائنات کی قربت سے بندے کی ذمہ داریاں اور بڑھ جاتی ہیں ) ۔

میری نظر میں اس علم و حکمت کی قیمت گھاس کے ایک تنکے کے برابر بھی نہیں جو مردِ غازی کو اس کی تلوار اور ڈھال (عمل جہاد) سے بے خبر کر دے ۔

جس بھاوَ سے بھی تو یہ سودا خریدتا ہے تیرے لیے سودمند ہے ۔ حضرت علی علیہ السلام کی قوتِ بازو کے عوض فخر الدین رازی جیسی فہم و فراست چھوڑ دے ۔ (ایسا علم کس کام کا جو مسلمان کو عملِ جہاد سے روک دے) ۔

اگر تو خون کا ایک قطرہ رکھتا ہے اور اگر تو پروں کی مٹھی رکھتا ہے ہمت پرواز بھی ہے تو میرے پاس آ ۔ میں تجھے شاہبازی (دنیا پر حکمرانی کے اصول) سمجھا دوں گا ۔

اور اگر تو اس کام زندگی گزارنا کو سانس کا کام سمجھتا ہے تو یہ تیری کیسی نادانی ہے بانسری بجانے کے لیے عام سانس کی نہیں تلوار کے دم طاقت کی ضرورت ہوتی ہے ۔ جس طرح بانسری بجانے کے لیے صرف سانس پھونکنا ہی کافی نہیں اس کے لیے سینے میں قوت کی ضرورت ہوتی ہے ۔ اسی طرح عملی زندگی میں جان قربان کر دینے کی تمنا کرنا ہی کافی نہیں ۔