غزل شمارهٔ 38

جو علم تو سیکھ رہا ہے وہ نگاہِ باطن کا شیدائی نہیں ۔ وہ راہ میں تھکن سے چور ہو کر بیٹھ جانے والا ہے راستہ طے نہیں کر سکتا ۔ اس علم میں خود کو یا خدا کو پہچاننے والی آنکھ پیدا کرنے کی صلاحیت نہیں ہے ۔

وہ آدمی جس کا ضمیر دونوں جہانوں کا مصور ہے کا یہ عمل آہ لذت عشق کی بدولت ہے ۔ آہ کی لذت کے بغیر نہیں ۔

مانا کہ اس کے محبوب کے عشق نے اسے راہوں میں بھٹکنا سکھا دیا ہے لیکن وہ داغ جو جگر کو جلا دے چاند کے سینے میں موجود نہیں ۔ اگرچہ چاند بھی فلک کی وسعتوں میں آوارہ پھرتا ہے لیکن اس کی یہ آوارگی منزل کی تمنا کے لیے نہیں ۔ یہ داغ آوارگی صرف انسان کو نصیب ہوا ہے) ۔

میں اپنے محبوب کے دلکش اور خوبصورت چہرے سے نظریں نہیں ہٹاتا ۔ لیکن اپنے حسن میں مگن اس محبوب کو ہم پر ایک نگاہ ڈالنے کی بھی ضرورت نہیں ۔

اقبال چغہ پہن کر بھی دنیا کے کاموں میں مصروف رہتا ہے ۔ یہ بات اچھی طرح سمجھ لے کہ درویشی بوریا نشینی سے اور فقیری ٹوپی پہننے سے نہیں آتی ۔ درویشی لباس کی درستگی کا نام نہیں دل کی صفائی کا نام ہے ۔