غزل شمارهٔ 39

صبح کے سورج کی مانند نگاہِ حق شناس پیدا کی جا سکتی ہے اور اسی جسم خاکی کو محبوب کی جلوہ گاہ بنایا جا سکتا ہے ۔ نگاہِ حق شناس جب جسم خاکی میں پیدا ہو جائے تو اس کے نور سے دنیا کو بھی منور کیا جا سکتا ہے ۔

اپنی نگاہ کو سوئی کی نوک سے زیادہ تیز بنا ۔ اور جوہر کی طرح آئینہ کے دل میں راہ پیدا کی جا سکتی ہے ۔ (جس طرح آئینہ اپنے جوہر کے باعث چمکتا ہے اسی طرح نگاہِ حق شناس کی تیز روشنی بھی دلوں کو منو رکر دیتی ہے) ۔

اس چمن میں جہاں مرغانِ چمن پر آ ہ و زاری کی پابندی ہے اس انداز سے آہ و زاری کی جا سکتی ہے ۔ جس انداز سے کہ غنچہ آہ کھینچ کر پھول بن جاتا ہے ۔

وہ محبوب ایسا ہے کہ اس کی جلوہ گری ہر جگہ ہے نہ یہ دنیا اس کے لیے پردہ ہے اور نہ مستقبل کا جہاں اسے زیر نقاب رکھے گا ۔

تو ننھے بچوں کی طرح درختوں کے نیچے (کھڑا ہو کر پرندوں کا) گھونسلہ دیکھے جا رہا ہے ۔ اس سے کچھ فائدہ نہ ہو گا ۔ پرواز کی طاقت پیدا کر کہ چاند اور سورج کو بھی شکار کیا جا سکتا ہے ۔