غزل شمارهٔ 14

(بڑی قوتوں سے ٹکرانے کے لیے) تو درویشی کا نشہ (شراب) برداشت کرنے کی ہمت پیدا کر اور پھر اس نشہ کو مسلسل پینا شروع کر دے ۔ جب یہ نشہ تجھ میں جراَت و ہمت پیدا کر دے تو پھر ایران کے بادشاہ جمشید کی سلطنت سے ٹکر لے (یہ فقیری نشہ کر کے تو وقت کے جابر حکمرانوں سے ٹکرانے کی ہمت حاصل کرے گا) ۔

(قضا و قدر) کے کارکنوں نے مجھ سے کہا کہ کیا ہمارا جہان تمہاری مرضی کے مطابق ہے ۔ میں نے کہا کہ نہیں ایساتو نہیں ، وہ کہنے لگے کہ پھر ان کو الٹ دے ۔

میں نے میکدے میں دیکھا کہ کوئی شائستہ میکش ساتھی نہیں ۔ تو دستاں کے بیٹے رستم کی صحبت اختیار کر اور اس کی صحبت میں بیٹھ کر پی اور ذلیل لوگوں کی صحبت اختیار نہ کر ۔

اے صحرا کی تنہائی میں کھلنے والے لالے کے پھول، ہجر اور تنہائی کے عذاب میں جلا نہیں جا سکتا ۔ جگر کو حرارت دینے والے اس داغ کو آدم کے سینے میں ودیعت کر ۔ یہ سوز عشق دوسروں تک پہنچانے کی کوشش کر ۔

(اے آدم خاکی) تو اس کا اندرونی سوز اور خون کی گرمی ہے (خالق کائنات نے تجھے ہی خون کی گرمی اور سینے کا سوز عطا کیا ہے) کیا تجھے یقین نہیں اگر نہیں تو پھر جہاں کے پیکر میں دراڑ ڈال ( تجھے معلوم ہو جائے گا کہ ہر شے خون کی گرمی او ر سوز عشق سے محروم ہے) ۔

کیا عقل تیرا چراغ ہے اسے کسی راستہ میں رکھ دے(تاکہ ہر کوئی اس سے راستہ تلاش کرے) ۔ کیا عشق تیرا پیالہ ہے اگر ہے تو اسے کسی محرم راز کے ساتھ مل کر پی (عقل عام لوگوں کے لیے ہے اور عشق مخصوص لوگوں کے لیے ) ۔

میں آنکھوں سے آنسوؤں کی صورت اپنے دل پر خون کے ٹکڑے گرا رہا ہوں، کہ میرے بدخشاں کے یہ لعل اٹھا لے اور انگوٹھی میں جڑ لے۔

ترجمہ: میاں عبدالرشید