غزل شمارهٔ 35

میں تو ساقی میکدہ کی مست آنکھوں سے شراب پی کر مست ہو گیا ہوں میں (ظاہری) شراب پئے بغیر ہی نشہ میں چور ہوں ۔ نشہ میں چور ہوں ۔

اس (محبوب کے) بے حجاب ہو کر میرے سامنے آنے سے میرا شوقِ جنوں کم ہونے کے بجائے اور تیز ہو جاتا ہے ۔ میں اس کی صورت زیبا دیکھوں یا نہ دیکھوں ۔ دونوں صورتوں میں بے چین رہتا ہوں ۔

جس طرح شمع کا دھاگا آگ دکھانے سے جل اٹھتا ہے ۔ اسی طرح میری مضراب سے رباب کے تار فریاد کرنے لگتے ہیں (میری آہ و فغاں سے میرے عشق کے جذبات اور زیادہ بھڑکنے لگتے ہیں ) ۔

میری منزل عشق مجھ سے باہر تو نہیں ۔ لیکن میں بدقسمت ہوں کہ مجھے کوئی راستہ سجھائی نہیں دیتا ۔

اس وقت تک جب مشرق سے آفتاب طلوع ہو ۔ تو نے ستاروں کی طرح مجھے جگا رکھا ہے ۔ جب تک سورج طلوع نہیں ہوتا ستاروں میں روشنی باقی رہتی ہے اور آفتاب کے ظاہر ہونے کے بعد ستارے موجود تو ہوتے ہیں لیکن ان میں چمک باقی نہیں رہتی ۔ اسی طرح جب مجھے تیری معرفت ہو جائے گی تو میں بھی ہونیکے باوجود نہیں ہوں گا ۔ میں معرفت الہٰی میں سما جاؤں گا ۔