غزل شمارهٔ 42

اے محبوب میرا کل سازوسامان تو مٹھی بھر خاک ہے ۔ اور میں اسے اس امید پر راہوں میں بکھیر رہا ہوں کہ ایک نہ ایک دن میں اسے آسمان کی بلندیوں تک پہنچا دوں گا ۔ یعنی محبوب کی راہ میں فنا ہو کر زندگی کا اعلیٰ مقصد حاصل کر لوں گا ۔

میرے پاس اب اور چارہ کار کیا رہ گیا ہے علم و دانش کی شاخ پر تو کوئی ایسا کانٹا بھی نہیں نکل سکا کہ میں اسے اپنے سینے میں چبھو کر (تیری محبت حاصل کر لوں ) ۔

ہجر و فراق کی آگ سے میری چنگاری میں اور زیادہ چمک پیدا کرتی ہے ۔ میں تو اسی سانس میں مر جاتا ہوں جس سانس کو میں اپنے بدن میں لے کر جاتا ہوں ۔ مطلب یہ کہ وصل محبوب سے عشق کی موت واقع ہو جاتی ہے اور ہجر کی آگ زندگی میں عشق کی تڑپ زندہ رکھتی ہے ۔

اس (محبوب) کے عشق اور مستی کی شراب میرے خون سے باہر نہیں نکلتی ۔ کیونکہ میں نے اسے دل اس لیے نہیں دیا کہ اس سے واپس لے لوں ۔

اے خدا! تو نے میری صاف شفاف تختی پر زندگی کے تمام اصول تحریر کر دیے ہیں ۔ اب مجھے ایسا شعور عطا کر میں اس تحریر کو غلط نہ پڑھوں ۔ یعنی تیرے اصولوں کے مطابق زندگی گزاروں ۔

اگر آپ کے حضور کوئی میری غزل پیش کرے تو کیا ہی اچھا ہو اگر آپ اسے یہ کہہ کر نواز دیں کہ 'میں اسے جانتا ہوں'۔

ترجمہ: میاں عبدالرشید