غزل شمارهٔ 41

اے خدا مجھے ایسا دل عطا کر دے کہ جس کی مستی اس کی اپنی ہی شراب ہو ۔ مجھ سے وہ دل واپس لے لے کہ جو مدہوش بے خبر اور اپنی بجائے غیروں کے بارے میں سوچتا ہو ۔

مجھے وہ دل عطا کر دے جو اس کائنات کو اپنی گرفت میں لے لے ۔ اور مجھ سے وہ دل واپس لے لے جو دنیاوی مفاد کے چکر میں پھنسا ہوا ہے ۔

اے شکارا! تو مجھے تقدیر کے ترکش کے دائرے سے باہر نکال ۔ وہ تیر میرے جگر کو کیسے زخمی کر سکتا ہے جو ابھی ترکش میں ہی پڑا ہو ۔

دنیا پر قبضہ کرنے یا اسے مسخر کرنے کے عمل سے زندگی میں کمزوری نہیں آتی ۔ میں جب اس دنیا کو اپنے قبضے میں کر لیتا ہوں تو میری تگ و دو کے لیے دوسرا جہان میرے سامنے موجود ہوتا ہے ۔ یعنی دنیا مسلسل جدوجہد کا نام ہے ۔