غزل شمارهٔ 9

میری فریاد سوزِ غم سے بھری ہوئی ، بے خوف اور غم اُبھارنے والی ہے ۔ کیونکہ میرے حسن و خاشاک میں چنگاری گری ہوئی ہے اور صبح کی ہوا بھی تیز ہے ۔ (اس تیز ہوا سے آگ بھڑک اٹھے گی اور مجھے ہر آلائش سے پاک کر دے گی) ۔

عشق کے پاس کوئی سامان نہیں ہوتا لیکن وہ ایسا تیشہ ضرور رکھتا ہے جس سے پہاڑ کا سینہ چیر دے ۔ لیکن پرویز کے خون سے بھی پاک رہتا ہے ۔ اس شعر میں شاعر نے شیریں اور فرہاد کی خوبصورت تلمیح کا استعمال کر کے بتایا ہے کہ جس طرح فرہاد نے شیریں کو حاصل کرنے کے لیے پہاڑ سے دودھ کی نہر نکالنے کی شرط منظور کر لی تھی اور بادشاہ خسرو پرویز کو بھی کوئی نقصان نہیں پہنچایا تھا ۔ اسی طرح سچا عشق بھی اپنے پاس کوئی ایسا سامان نہیں رکھتا جس سے کسی کو نقصان کا اندیشہ ہو ۔

ایک مردِ رمز شناس کی بات میرے دل میں چبھ گئی ہے وہ یہ کہ معشوق کی نظر کسی کا دل لبھانے والے بول سے زیادہ اثر آفریں ہوتی ہے (مردِ رمز شناس سے مراد کامل مرد ہے جس کی نگاہ مٹی کو سونے میں تبدیل کر سکتی ہے) ۔

اے میرے محبوب میرے سرہانے آ کر بیٹھ جا کیونکہ تیرے غم ہجر کی وجہ سے تیری محفل میں خالی جام رکھنے والا یعنی تیری شراب وصل سے محروم تیرا یہ عاشق اپنی زندگی کا جام بھر چکا ہے یعنی اس کے صبر کا پیمانہ لبریز ہو چکا ہے ۔

میں اپنے ہجر کے داغ کی آگ باغ میں لے گیا اس امید کے ساتھ کہ شاید یہ باغ کی ٹھنڈی ہوا سے سرد ہو جائے ۔ لیکن باغ کی نرم و لطیف ہوا اس آگ کو اور تیز کر رہی ہے اور شبنم بھی اسے بجھانے میں ناکام رہی ہے ۔

محبوب کے پوشیدہ اشارے اگرچہ عاشق کا گھر برباد کر دیتے ہیں ۔ مجھے تو محبوب کے ایسے ناز و ادا چاہیں جو مجھے برباد کرنے میں کسی قسم کا خوف محسوس نہ کرے اور خون بہانے سے دریغ نہ کرے ۔

نشیمن دونوں کا بدن ہے، مگر یہ کیا ہے؛ عقل کو مٹی کی صحبت پسند ہے اور دل مٹی سے پرے رہتا ہے۔

ترجمہ: میاں عبدالرشید

میری طرف دیکھ کہ ہندوستان میں تو دوبارہ نہیں دیکھ پائے گا کہ ہے تو وہ برہمنوں کی اولاد لیکن وہ مولانا جلال الدین رومی اور شمس الدین تبریزی کے معارف و حقائق کا شناسا ہے ۔