غزل شمارهٔ 50

(اے چاراگر) میرے بے چین دل کو جو تسلی تو نے دی ہے اس سے بھی اس کی بے چینی و بے قراری میں کوئی فرق نہیں آیا ۔ اس لیے میں اپنے اس بے قرار دل کو پھر سے تیرے سپرد کر رہا ہوں ۔ تاکہ تو اس کی بے قراری کا کوئی موزوں علاج تلاش کرے) ۔

اس دل کی کیا حالت ہے ۔ جس کی محنت (دھڑکنے) کا تعلق چار و ناچار زندگی بسر کرنے سے ہے کہ زمانے کی نبض اس کے ہاتھ میں نہیں ہے (وہ دل جو عشق سے بیگانہ ہے مجبوراً دھڑک رہا ہے اس لیے بیکار ہے) ۔

میں نے تو تیرے دل میں بسیرا کیا تھا ۔ لیکن تو نے خود نمائی کے جوش میں اپنے خوبصورت چمکتے ہوئے موتی کو (دریا سے نکال کر) کنارے پر پھینک دیا ۔ (اگر خدا کی خود جلوہ نمائی کی خواہش نہ ہوتی تو کائنات وجود میں نہ آتی) ۔

اے خالق کائنات! تو نے چاند اور ستاروں کا شکوہ تو سنا ہو گا ۔ یہ شکوہ اس بنا پر تھا کہ تو نے ان میں دل کیوں پیدا نہیں کیا ۔ تو نے ہماری تاریک مٹی میں اپنی محبت کی چنگاری پھینکی ہے جو کسی اور مخلوق میں نہیں ہے ۔

ہمارے سینہ میں (محبت کے) تیر کی ایک خلش بھی غنیمت ہے ۔ کیونکہ (محبت) تو ایسا شکاری ہے کہ اگر شکار خود اس کے قدموں میں آ گرے پھر بھی وہ اسے نہ لے جائے ۔