غزل شمارهٔ 30

ہمارا رونا بے اثر ہے ہماری فریاد نارسا ہے ۔ اس جلنے کرھنے کا پھل خون میں گندھی ہوئی پکار والا ایک دل ہے ۔

دل اس کی طلب میں تڑپا تو مندر اور کعبہ بنا لیے ۔ ہم اس کی تمنا میں کھوئے ہوئے ہیں وہ ہمارا تماشا کر رہا ہے ( جس طرح ہم اس سے ملنے کے آرزو مند ہیں وہ بھی تو ہم سے ملنے کا مشتاق ہے) ۔

وہ جو پردے میں تھے وہ بے حجاب ہیں اور میں اپنی خودی میں مستور ہو چکا ہوں ۔ اے میرے آن والے عشق دیکھ، دیدار کی چاہ کیسی ہے۔

میخانے کے مطرب نے کل رات عجیب دل کھینچنے والی بات سنائی کہ شراب چکھنا حرام ہے، شراب کشید کرنا حلال ہے ۔

مسافروں کی زندگی صرف لگاتار بھاگ دوڑ میں ہے اور بس ۔ جیسے لہروں کے قافلے کا کوئی راستہ ہے اور نہ کوئی منزل (کبھی قرار نصیب نہیں ) ۔

میرے خس و خاشاک پر ایک بھڑکتا ہوا شعلہ پھینکا مرشد رومی نے جو یہ کہا ہماری منزل خدا ہے (یعنی مرشد رومی نے میرے اندر عشق الہٰی کی آگ بھڑکا دی) ۔