بخش 17 - موسیولینن و قیصر ولیم

مدتیں گزر گئیں کہ آدمی اس پرانی سرائے (دنیا) میں گندم کی طرح چکی کے پاٹ تلے رہا ہے ۔

زاری کا فریب اور قیصری کا دھوکا کھاتا رہا ہے وہ کلیسا کے جال میں پھنسا رہا ہے ۔

تو نے دیکھا کہ بھوکے غلام نے آخر آقا کی قمیض تارتار کر دی جو ہمارے لہو سے رنگین رہی ہے ۔

عوام کی آگ کی چنگاریوں نے فرسودہ نظام جلا دیا ۔ کلیسیا کے پیر کی چادر ، بادشاہ کی قبا جلا ڈالی ۔

بتوں کے عشوہ و ناز کا کیا گناہ ہے (کوئی گناہ نہیں ) ۔ طواف تو برہمن کی گھٹی میں پڑا ہے ۔

وہ ہر دم نئے نئے خدا تراشتا ہے کیونکہ پرانے خداؤں سے بیزار ہے ۔

رہزنوں کے ظلم کی بات مت کہہ کہ مسافر خود اپنے سامان کا آپ رہزن ہے ۔

اگر شہنشاہ کا تاج عوام پہن لیں تو بھی اس انجمن میں وہی ہاہاکار ہے (وہی ہنگامے رہیں گے ۔ عوامی لیڈر بھی وہی کام کریں گے جو بادشاہ کرتے تھے ۔ )

آدمی کے دل میں ہوس (اقتدار و دولت) نہیں مرتی اس آتش دان کے بیچ وہی آگ ہے جو تھی ۔ یہ آگ ہمیشہ جلتی رہے گی ۔

اقتدار کی جادوگر دلہن کی زلف پر شکن کا وہی کنڈل ہے ۔

شیریں کے چونچلے (ناز و ادا) خریدار بنا نہیں رہتے اگر خسرو نہیں تو کوہکن ہے ۔