بخش 5 - نوای سروش

مجھے یہ ڈر ہے کہ تو سراب میں کشتی چلاتا رہے گا، تو حجاب ، پردے میں پیدا ہوا ہے اور حجاب ہی میں مر جائے گا ۔ (سراب سے مراد عقل ہے) ۔

جب میں نے اپنی آنکھوں سے رازی (کی تفسیر) کا سرمہ دھو ڈالا تو میں نے قوموں کی تقدیر (راز) کتاب (قرآن) کے اندر چھپی دیکھی ۔

(تو ایک بجلی ہے) تو بادل کے اندر ہی خود پر نہ گر بلکہ بادل سے باہر نکل کر کھیت، باغ اور کوہ و بیاباں پر گر، کیونکہ جو بجلی اپنے اندر اندر ہی گرتی ہے وہ بادل ہی میں مر جاتی یا رہ جاتی ہے ۔

میں اہل مغرب میں رہا ہوں ۔ وہاں میں نے بہت جستجو کی لیکن مجھے کوئی ایسا مرد نظر نہیں آیا جس کے مقامات بے شمار ہوں ۔

تسخیر کائنات کی محنت اٹھائے بغیر وہ قرب حاصل نہیں ہوتا جو مومن کی شان ہے ۔ اے گلاب کے اندر کی خوشبو ہی پر اکتفا کرنے والے تو گلشن کو اپنے گریبان میں لے ۔

اے ظاہر بیں زاہد میں مانتا ہوں کہ خودی فانی ہے لیکن کیا تو وہ طوفان نہیں دیکھتا جو بلبلے کے اندر موجود ہے ۔

یہ دل آویز مطرب کے مضراب سے پیدا نہیں ہو رہی بلکہ یہ جنت سے بچھڑی ہوئی ایک حور ہے جو رباب کے اندر نالہ و فریاد کر رہی ہے ۔