بخش 4 - احوال دوشیزهٔ مریخ که دعوی رسالت کرده

ہم ہزاروں گل کوچوں اور محلوں سے گزر کر شہر کے کنارے وسیع میدان میں پہنچے ۔

اس میدان میں مردوں اور عورتوں کا ایک ہجوم تھا ۔ ان کے درمیان ایک عورت تھی جس کا قد نارون کی طرح بلند تھا ۔

اس کا چہرہ توروشن تھا لیکن روحانی نور سے خالی تھا ۔ اس کے بیان پر اس کے معنی گراں (بوجھل) تھے ۔ بے معنی تھے ۔

اس کے الفاظ بے سوز تھے اور اس کی آنکھ بے نم تھی ۔ وہ آرزو کے سرور سے ناواقف تھی ۔

اس کا سینہ جوانی کے جوش سے خالی تھا ۔ وہ اندھی تھی اور اس کی صورت آئینہ کے لیے ناقابل قبول تھی (بدصورت تھی) ۔

وہ عشق اور آئین عشق سے بے خبر تھی ۔ وہ ایسے ممولے کی مانند تھی جسے عشق کے شاہین نے رد کر دیا ہو ۔

اس نکتہ داں مریخ حکیم جو ہمارا رہنما تھا نے ہمیں بتایا کہ یہ دوشیزہ اہلِ مریخ میں سے نہیں ہے ۔

وہ ساد آزاد اور مکر و فریب کے بغیر تھی ۔ فرزمرز (شیطان) نے اسے یورپ سے اغوا کیا تھا ۔

اس (شیطان) نے نبوت کے معاملے میں اسے پختہ کر کے اسے مریخ میں یہاں چھوڑ دیا ۔

وہ دوشیزہ کہنے لگی میں آسمان سے نازل ہوئی ہوں اور میری دعوت آخری زماں ہے ۔

( میں نے دیکھا کہ) وہ مرد اور عورت کے مقام کی بات کرتی ہے اور بدن کے راز خوب کھل کر بیان کرتی ہے ۔

اس آخر زماں کے نزدیک زندگی کی تقدیر کیا ہے، میں اسے اہل زمین کی زبان میں بیان کرتا ہوں ۔