بخش 5 - زنده رود مشکلات خود را پیش ارواح بزرگ می‌گوید

مومنوں کے مقام سے دور رہنا کیوں ، کس لیے یعنی فردوس سے باہر رہنا کس لیے (گویا یہ حلاج جسے کہا جا رہا ہے ، اب حلاج کی روح جواب دیتی ہے ) ۔

ایک آزاد مرد جو اچھے اور برے کو خوب پہچانتا ہے اس کی روح بہشت کے اندر نہیں سما سکتی ۔

ملا کی جنت تو شراب (شرابِ طہور) حور اور غلماں والی جنت ہے لیکن آزاد لوگوں کی جنت مسلسل گردش کرنا ہے ۔

ملا کی جنت میں کھانا پینا اور سونا اور موسیقی سننا ہے اور ایک عاشق کی جنت وجود یعنی محبوب حقیقی کے دیدار کی خواہش ہے ۔

ملا کا حشر قبر کے کھلنے اور بانگ صور پر مردوں کے اٹھنے کا نام ہے جبکہ ہنگامہ برپا کرنے والا عشق خود قیامت کی صبح ہے ۔

علم کا دارومدار خوف اور امید پر ہے ۔ عاشق کے لیے نہ تو امید کی کوئی کیفیت ہوتی ہے اور نہ خوف و ہراس کی ۔

علم کائنات کے جلال سے خوفزدہ رہتا ہے جبکہ عاشق کائنات کے حسن میں محو ہوتا ہے ۔

علم کی نظر ماضی اور حال پر ہے جبکہ عشق جو دیکھتا ہے وہی کہتا ہے ۔

علم نے جبر کے آئین سے عہد و پیمان کر رکھا ہے ، لہذا جبر اور صبر کے سوا اس کا اور کوئی چارہ کار نہیں ۔

عشق آزاد اور غیرت مند اور بے صبر ہے ۔ وہ وجود (محبوب حقیقی) کے دیدار کے معاملے میں بیباک اور دلیر ہے ۔

ہمارا عشق شکووں شکایتوں سے نا آشنا ہے، اس کی گریہ و زاری مستی کی گریہ و زاری ہے ۔

ہمارا یہ مجبور دل مجبور نہیں ہے ۔ ہم پر چلنے والا تیر حور کی نگاہ سے نکلا ہوا نہیں ہے ۔ (عاشق حقیقی حور و غلمان کی خواہش و تمنا نہیں رکھتے) ۔

ہجر و فراق ہم عاشقوں کی آگ کو تیز کرتا ہے اور فراق ہی ہماری جان کے موافق ہے ۔

دل میں عشق کے کانٹوں کی چھبن کے بغیر جینا کوئی جینا نہیں ۔ ضروری ہے کہ عاشق پاؤں کے نیچے آگ کے ساتھ جیئے ۔ آتش زیر پا رہنا ہی زندگی ہے ۔

اس طرح جینا خودی کی تقدیر ہے اوراسی تقدیر سے خودی کی تعمیر ہوتی ہے ۔

ایک ذرہ اپنے اندر بے حد شوق کے سبب سورج کے لیے باعث رشک بن جاتا ہے اور یوں اس کے سینے میں نو آسمان سما جاتے ہیں ۔

جب شوق، عشق کسی جہان پر شب خون مارتا ہے تو فانی زندگی والوں کو جاودانی بنا دیتا ہے ۔

تقدیر کی گردش موت اور زندگی ہے ، کوئی نہیں جانتا کہ تقدیر کی گردش کیا ہے

جو کوئی تقدیر کا سازوسامان رکھتا ہے اس کی طاقت سے ابلیس اور موت دونوں پر کپکپی طاری رہتی ہے ۔

جبر صاحب ہمت مرد کا دین ہے اور مردوں ، دلیروں کا جبر قوت کے کمال کے سبب سے ہے ۔

ایک پختہ یعنی کامل مرد جبر سے اور بھی زیادہ پختہ تر ہو جاتا ہے ۔ اس کے برعکس ایک مردِ خام ناپختہ کے لیے جبر قبر کی آغوش (موت) بنتا ہے اور یوں وہ موت سے بھی ڈرتا رہے گا ۔

(حضرت )خالد کا جبر ایک دنیا کو تہ و بالا کر دیتا ہے ۔ ہمارا جبر خود ہماری جڑ اکھیڑ ڈالتا ہے ۔

تسلیم و رضا مردوں ، دلیروں کا کام ہے جبکہ ضعیفوں ، کمزوروں پر یہ قبا درست پوری نہیں آتی ۔

(اے زندہ رود) تو جو پیرِ روم کے مقام سے باخبر ہے کیا تجھے پیر روم کے اس کلام کا علم نہیں ۔

ہمارا کام امید اور ڈر کے سوا اور کچھ نہیں ہے ۔ ہر کسی میں تسلیم و رضا کی ہمت نہیں ہے ۔

اے وہ انسان تو جو یہ کہتا تھا کہ جوکچھ ہونے والا تھا وہ یہی تھا اور ہو گیا ۔ ہم ایک آئین کے پابند تھے اس لیے ایسا ہوا ۔

تو تقدیر کے معنی نہیں سمجھتا، اور یوں تو نے نہ تو خودی کو دیکھا ہے اور نہ خدا ہی کو دیکھا ہے ۔

مرد مومن خدا کے ساتھ راز و نیا ز رکھتا ہے اور کہتا ہے کہ ہم تجھ سے موافقت کرتے ہیں ۔

اس مردِ مومن کا ارادہ حق کی تقدیر کا خالق ہے ۔ جنگ کے دن اس کا تیر حق بن جاتا ہے ۔

بصیرت سے عار ی لوگوں نے فتنے برپا کر دیے انھوں نے ایک بندہَ حق (حلاج) کوپھانسی کے تختے پر چڑھا دیا، سولی پر لٹکا دیا ۔

تجھ پر وجود کے بھید ظاہر ہیں ، پھر یہ تو بتا کہ آخر تیرا گناہ کیا تھا (جو تجھے سولی پر لٹکایا گیا) ۔

میرے سینے میں بانگِ صور تھی ۔ میں نے ایک ملت کو دیکھا کہ وہ قبر کا ارادہ کر رہی ہے ۔

ان مومنوں کی خوبو کافروں جیسی تھی ، زبان سے تو وہ لا الہ کہتے تھے لیکن اپنے آپ سے منکر تھے ۔

وہ کہتے تھے کہ امرِ حق ایک باطل نقش ہے کیونکہ وہ بدن کے ساتھ وابستہ ہے (اس کا تعلق بدن سے ہے)

میں نے اپنے اندر زندگی کی آگ روشن کی، مردوں کو زندگی کے راز بتا دیئے ۔

میں (حلاج) نے ان سے کہا کہ جہان کی بنیاد خودی پر رکھی گئی ہے ۔ یہاں دلبری (جمال) کو قاہری (جلال) سے ملا دیا گیا ہے ۔

خودی جہان میں ہر جگہ ہے کہیں ظاہر ہے اور کہیں پوشیدہ ، ہماری نگاہیں خودی کے جلوے کی تاب نہیں لا سکتیں ۔

اس (خودی) کے نور کے اندر نار (آگ) چھپی ہوئی ہے ۔ کائنات کے سارے جلوے اسی طور کی تجلیات کے ہیں ۔

اس پرانی دنیا میں ہر دل ہر لمحہ خودی سے پوشیدہ طور پر گفتگو کرتا ہے ۔

جس کسی نے بھی اس (خودی) کی آگ سے اپنا حصہ نہ لیا یعنی استفادہ نہ کیا وہ جہان میں خود سے بیگانہ ہو کر یا خودی سے محروم ہو کرمر گیا ۔

ہندوستان اور ایران کے لوگ خودی کے نور سے تو واقف ہیں لیکن ان میں کوئی اسکی نار کو بھی پہچانے نہیں ہے ۔

میں نے خود کے نور اور نار کی خبر دی ، اے اسرار سے آگاہ بندے یعنی زندہ رود تو ہی بتا کہ اس میں میرا کیا گناہ تھا ۔

(اے زندہ رود) جو کچھ میں نے کیا اب وہی کچھ تو بھی کر رہا ہے ۔ (خودی پہچاننے کی تلقین کر رہا ہے ) تو ڈر کے رہ، کہیں تجھ سے بھی میرے جیسا سلوک نہ ہو ۔ تو نے بھی مردہ قوم کو جگانے کے لیے محشر برپا کیا ہے اس لیے ڈر کر رہ ۔ کہیں نامحرم لوگ تجھے بھی میرے والی سزا نہ دیں ۔

(طاہرہ کو بھی حلاج کی طرح قتل کیا گیا تھا ) عشق کے جذبو ں سے سرشار ایک بندے کے گناہ سے ایک نئی کائنات وجود میں آتی ہے (طاہرہ نے حلاج کی حمایت میں بات کی ہے) ۔

حد سے بڑھے ہوئے عشق سارے پردے پھاڑ دیتا ہے اور اس کے تماشا سے قدامت پرستی کا خاتمہ کر دیتا ہے ۔

ایک عاشق کے نصیب میں آخر کار دار و رسن ہوتی ہے ۔ وہ (عاشق) محبوب حقیقی کے کوچے سے زندہ واپس نہیں آتا ۔

تو (زندہ رود) اس (حلاج جیسے سچے عاشق) کا جلوہ آج بھی شہر اور بیابان میں دیکھ تا کہ تو یہ نہ سمجھ لے کہ وہ تو دنیا ہی سے رخصت ہو گیا ہے ۔

وہ (منصور) اپنے زمانے کے ضمیر میں پوشیدہ (چھپا ہوا) ہے وہ اس ضمیر کی خلوت میں کیسے سما گیا ہے (وہ تو کائنات میں بھی نہیں سما سکتا ) ۔

اے (غالب) تجھے تلاش و جستجو کا درد عطا ہوا ہے ، مجھے اپنے ایک شعر کے معنی تو بتائیے ۔

قمری تو کف خاکستر ہے، اور بلبل رنگ کا ایک پنجرہ ہے ۔ بلبل کے سیاہ رنگ سے بھی اس کے باطن میں جلی ہوئی آگ ظاہر ہو رہی ہے ۔ اے نالہ نشانِ جگر سوختہ کیا ہے، اے نالہَ انسان جگر سوختہ کا نشان کیا ہے

وہ نالہ جو جگر کے سوز سے اٹھتا ہے ، میں نے ہر جگہ اس کی تاثیر مختلف دیکھی ہے ۔

قمری اس کی تاثیر سے مکمل طور پر جل جاتی ہے، لیکن بلبل اس کی تاثیر سے کئی رنگ اختیار کر لیتی ہے ۔

اسی نالے کے اندر موت، زندگی کی گود میں ہے ۔ ایک ہی دم یہاں (بلبل کو) زندگی دیتا ہے اور وہاں (قمری کو) موت دیتا ہے (یہ مطلب بھی نکلتا ہے کہ سانس کا لمحہ ایک ہی ہے جو یہاں موت کی صورت اختیار کر لیتا ہے اور وہاں زندگی کی) ۔

یہ ایک ایسا رنگ ہے کہ اس سے کئی قسم کے رنگ پیدا ہوتے ہیں ، یہ ایک ایسا بھی رنگ ہے جس سے بے رنگی پیدا ہوتی ہے ۔

تو نہیں جانتا کہ یہ رنگ و بو کا مقام ہے، یہاں ہر دل کی قسمت اس کے ہائے و ہو کے مطابق حصہ پاتا ہے ۔

تو یا تو رنگ میں آ جایا پھر بے رنگی میں گزر جا ۔ (بے رنگی اختیار کر لے ) تاکہ تجھے سوزِ جگر سے کوئی نشان حاصل ہو سکے ۔

اس نیلی فضا میں سینکڑوں جہاں موجود ہیں ، کیا ہر جہان میں اولیاَ اور انبیا َ ہوتے ہیں ۔

اس ہستی و عدم کو غور سے دیکھ، یہاں مسلسل جہان وجود میں آ رہے ہیں ۔

جہاں کہیں بھی دنیا کا ہنگامہ ہے وہاں ایک رحمت للعالمین بھی ہیں ۔

وضاحت سے کہیے کیونکہ میرا فہم نارسا ہے (سمجھنے والا نہیں ہے ) ۔

یہ بات بھول کر کہنا خطا ہے۔

ترجمہ: میاں عبدالرشید

کیا اہل دل کی گفتگو بے حاصل ہے۔

ترجمہ: میاں عبدالرشید

(اس) نکتے کو الفاظ میں بیان کرنا مشکل ہے۔

ترجمہ: میاں عبدالرشید

آپ تو سوز طلب سے سر تا پا آتش ہیں ؛ تعجب کی بات ہے کہ آپ بھی سخن پر غالب (نہیں)۔

ترجمہ: میاں عبدالرشید

تخلیق کرنا ، ہر وجود کی استعداد مقرر کرنا اور اس کے اندر آگے بڑھنے کا جذبہ رکھنا – یہ ابتدا ہے اور مقام رحمۃ للعالمین انتہا ہے۔

ترجمہ: میاں عبدالرشید

میں ابھی تک معنی کا چہرہ نہیں دیکھ سکا ؛ اگر تو آتش رکھتا ہے تو میرے (افکار پریشان کو) جلا دے۔

ترجمہ: میاں عبدالرشید

تو بھی میری طرح اسرار شعر کا جاننے والا ہے یہ بات شعر میں بیان نہیں کی جا سکتی۔

ترجمہ: میاں عبدالرشید

شاعر محض سخن آرائی کرتے ہیں؛ یہ ایسے کلیم ہیں جن کے پاس ید بیضا نہیں۔

ترجمہ: میاں عبدالرشید

جو کچھ تو مجھ سے چاہتا ہے یہ کافری ہے اور شاعری سے ماورا ہے۔

ترجمہ: میاں عبدالرشید

جہاں کہیں تو جہان رنگ و بو دیکھتا ہے؛ ایسا جہان جس کی خاک سے آرزو پھوٹتی ہو۔

ترجمہ: میاں عبدالرشید

یا تو اس کی قدر و قیمت نور مصطفے ﷺ سے ہے یا وہ ابھی تک مصطفے ﷺ کی تلاش میں ہے۔

ترجمہ: میاں عبدالرشید

گرچہ یہ بات پوچھنی خطا ہے مگر میں آپ سے پوچھتا ہوں کہ وہ جوہر جس کا نام مصطفے ﷺ ہے اس کا راز کیا ہے؟

ترجمہ: میاں عبدالرشید

وہ آدم ہے یا جوہر جو گاہے گاہے وجود میں آتا ہے؛ (انبیا کی ارواح کا درجہ باقی ارواح سے افضل ہے اور حضور اکرم ﷺ کی روح خاص الخواص ہے؛ جو سب سے پہلے تخلیق کی گئی۔یہاں انبیا کی بعثت کی طرف اشارہ ہے)۔

ترجمہ: میاں عبدالرشید

آپ ﷺ کے سامنے زمانہ سر بسجود ہے؛ لیکن آپ ﷺ نے خود اپنے آپ کو عبدہ کہا ہے۔

ترجمہ: میاں عبدالرشید

کا مقام تیرے فہم سے بالاتر ہے کیونکہ وہ آدم بھی ہے اور جوہر بھی۔عبدہ

ترجمہ: میاں عبدالرشید

اس کا جوہر نہ عرب سے ہے نہ عجم سے؛ ہے وہ آدم مگر اس کا وجود آدم سے پہلے ہے (حضور ﷺ نے فرمایا میں اس وقت بھی موجود تھا جب آدم ابھی پانی اور مٹی کے درمیان تھا۔

ترجمہ: میاں عبدالرشید

عبدہ سے تقدیر وں کو بنانے والا ہے اس کے اندر ویرانے بھی ہیں اور تعمیرات بھی۔

ترجمہ: میاں عبدالرشید

عبدہ مومنوں کی جان میں افزودگی کا باعث بنتا ہے؛ اور کفار کی جان کھینچ لیتا ہے۔

ترجمہ: میاں عبدالرشید

عبد اور ہے، اور عبدہ اور جیز ہے؛ ہم سرا پا انتظار ہیں اور اس کا انتظار کیا جاتا ہے (معراج کی طرف اشارہ ہے)۔

ترجمہ: میاں عبدالرشید

عبدہ زمانہ ہے اور زمانہ عبدہ سے پیدا ہوتا ہے؛ ہم سب مختلف (تعصبات کے) رنگوں میں رنگے ہوئے ہیں اور وہ بے رنگ و بو ہے۔

ترجمہ: میاں عبدالرشید

اگرچہ عبدہ کی ابتدا ہے مگر اس کے (ارتقا) کی کوئی انتہا نہیں ؛ عبدہ کے صبح و شام ہمارے صبح و شام نہیں۔

ترجمہ: میاں عبدالرشید

عبدہ سے کے سرّ سے کوئی آگاہ نہیں؛ صرف عبدہ ہی الا اﷲ کا سرّ ہے۔

ترجمہ: میاں عبدالرشید

لاالہ تیغ ہے اور اس کی دھار عبدہ ہے؛ فاش تر کہیں تو وہ خود عبدہ ہی ہے۔(آیک حدیث قدسی کے مطابق بندہ نوافل یعنی زائد عبادت کے ذریعے اللہ تعالیٰ کا قرب حاص کرتا چلا جاتا؛ یہاں تک کہ اللہ تعالیٰ اس کی بصارت بن جاتے ہیں، اس کے ہاتھ بن جاتے ہیں۔

ترجمہ: میاں عبدالرشید

عبدہ سے کائنات کا معیار ہے؛ وہی کائنات کا راز درون ہے۔

ترجمہ: میاں عبدالرشید

ان دو بیت سے بات واضح نہیں ہوتی جب تک تو مقام 'ما رمیت ' کو نہ سمجھے۔

ترجمہ: میاں عبدالرشید

اے زندہ رود بات چیت چھوڑ؛ اور (عبد ہ کے) وجود کے اندر گم ہو جا۔

ترجمہ: میاں عبدالرشید

میں نہیں سمجھ سکا کہ عشق کا کیا کام ہے؟ اگر ذوق دیدار ہے تو دیدار کیا ہے؟

ترجمہ: میاں عبدالرشید

نبی آخر زمان ﷺ کے دیدار کے معنی یہ ہیں کہ اپنے اوپر آپ ﷺ کا حکم جاری کیا جائے۔

ترجمہ: میاں عبدالرشید

دنیا میں جناب رسول پاک ﷺ کی سنت کے مطابق زندگی بسر کر تاکہ تو بھی ان ﷺ کی مانند انس و جان کا محبوب بن جائے۔

ترجمہ: میاں عبدالرشید

پھر اپنے آپ کو دیکھ ، یہی آپ ﷺ کا دیدار ہے؛ آپ ﷺ کی سنت ہی آپ ﷺ کے اسرار کا ایک سرّ ہے۔

ترجمہ: میاں عبدالرشید

کائنات کے مالک (اللہ تعالیٰ) جن کے حکم کے بغیر سورج چاند گردش نہیں کرتے ؛ ان کا دیدار کیا چیز ہے؟

ترجمہ: میاں عبدالرشید

پہلے اللہ تعالیٰ کے نقش کو اپنی جان پر ثبت کرنا (اللہ تعالیٰ کے احکام کو اپنے اوپر نافذ کرنا) پھر انہیں جہان میں نافذ کرنا۔

ترجمہ: میاں عبدالرشید

جب اپنی جان پر ثبت کیا ہوا نقش حق تعالیٰ دنیا میں مکمل ہو جائے تو اللہ تعالیٰ کا دیدار عام ہو جاتا ہے۔

ترجمہ: میاں عبدالرشید

مبارک ہے وہ شخص جس کی ایک 'ہو' سے نو آسمان اس کی گلی کا طواف کرنے لگتے ہیں۔

ترجمہ: میاں عبدالرشید

افسوس ہے اس درویش پر جس نے ایک بار 'ہو' کی آواز نکالی مگر پھر اپنے لب بند کر لیے اور اپنی سانس روک لی۔

ترجمہ: میاں عبدالرشید

اس نے اللہ تعالیٰ کے حکم کو دنیا میں نافذ نہ کیا ؛ جو کی روٹی تو کھائی مگر حیدر کرّارؓ کا سا عمل اختیار نہ کیا۔

ترجمہ: میاں عبدالرشید

اس نے خانقاہ ڈھونڈی مگر معرکۂ خیبر سے دور رہا؛ راہبی اختیار کی مگر سلطانی نہ دیکھی۔

ترجمہ: میاں عبدالرشید

اگر تو اپنے اندر نقش حق رکھتا ہے تو جہان کو شکار کر؛ تقدیر بھی تیری تدبیر کے مطابق راستہ اختیار کرے گی۔

ترجمہ: میاں عبدالرشید

عصر حاضر تجھ سے نبرد آزمائی چاہتا ہے؛ اس کافر پر اللہ تعالیٰ کا نقش ثبت کر دے۔

ترجمہ: میاں عبدالرشید

جہان پر اللہ تعالیٰ کا نقش ڈالا گیا ہے ۔ مگر میں نہیں جانتا کہ اسے کیسے ثبت کیا گیا ہے ۔

یا تو دلبری (جمال) کے زور سے یہ نقش ڈالا گیا یا پھر قاہری (جلال و دبدبہ ) کے زور سے ۔

چونکہ حق دلبری میں زیادہ واضح ہوتا ہے اس لیے دلبری ، قاہری سے بہتر ہے (اونچا درجہ رکھتی ہے ) ۔

اے اہل مشرق کے رازدان، ایک بار پھر بیان کر کہ زاہد اور عاشق کے درمیان کیا فرق ہے

زاہد دنیا میں اجنبی ہے اور عاشق عالم عقبیٰ (جنت) میں اجنبی ہے ۔

معرفت کی انتہا اپنی فنا (ہستی مٹانا) ہے ۔ کیا زندگی فنا میں آرام و سکون حاصل کرنا ہے

دوستوں کی مستی ان کے خالی پیالے کے باعث ہے ۔ فنا (اپنے آپ کو مٹا دینا) معرفت سے بیگانگی (نا آشنا ہونے) کا نام ہے ۔

تو جو فنا میں اپنے مقصود کو تلاش کر رہا ہے یہ جان لے کہ عدم موجود کو نہیں پا سکتا ۔ (عدم موجود کی ضد ہے) ۔

وہ کہ جس نے خود کو آدم سے بہتر شمار کیا یعنی ابلیس ، اس کے مٹکے اور پیالے میں نہ تو شراب باقی ہے اور نہ تلچھٹ ۔

ہم انسانوں کی مٹی کی مٹھی تو آسمان سے آشنا ہے ۔ اس بے سروسامان (ابلیس) کی آگ (جس پر اسے ناز تھا ) آج کہاں ہے ۔

تو اس خواجہ اہل فراق کی بات نہ کر، وہ جو پیاسا ہے اور ازل سے اس جس کا پیالہ خون سے بھرا ہوا ہے (وہ اہل فراق کا سردار اس لحاظ سے ہے کہ وہ درگاہِ ایزدی سے راندہ ہو گیا ہے جو کوئی اس کی پیروی کرے گا خدا سے دور ہو جائے گا ) ۔

ہم جہول ہیں جبکہ وہ (ابلیس) ہستی و نیستی کا عارف (واقف ) ہے ۔ اس کے اس کفر یعنی آدم کو سجدہ کرنے سے انکار نے ہم پر یہ راز کھولا ہے ۔

اٹھنے کی لذت گرنے ہی سے ہے اور درد سے گھٹ جانے میں عشق کا اضافہ ہے ۔

عاشقی اس (ابلیس) کی آگ میں جل جانے کا نام ہے ۔ اس کی آگ میں جلنا نہ جلنے کے برابر ہے (ابلیس نے اپنے خالق کے سوا اور کسی کو سجدہ نہ کیا، گویا یہ پختہ عشق کی علامت ہے) ۔

چونکہ وہ (ابلیس) عشق اور خدمت میں سب سے پہلے (قدیم تر) ہے یعنی آدم سے پہلے کا ہے، اس لیے آدم اس کے رازوں سے بے خبر ہے ۔

(اے زندہ رود) تو کسی کی بے جا پیروی کے لباس کو پھاڑ ڈال (مت پیروی کر) تاکہ تو اس (ابلیس) سے توحید سیکھ سکے ۔

اے (حلاج) کہ روح کی سلطنت تیرے قبضے میں ہے (تو روح کے رموز و اسرار سے آگاہ ہے ) کچھ دیر کے لیے ہمیں اپنی صحبت سے مزید نوازیئے ۔

ہم ایک منزل سے موافقت نہیں کرتے یعنی رکتے اور بس، اس لیے کہ ہم سراسر ذوقِ پرواز ہیں اور بس ۔ (ہم ہر لمحہ نئی منزل کی تلاش میں رواں دواں رہتے ہیں ) ۔

ہر لمحہ دیکھنا اور تڑپنا ہمارا کام ہے، بال و پر کے بغیر اڑنا ہمارا کام ہے ۔