بخش 10 - زنده رود رخصت می‌شود از فردوس برین و تقاضای حوران بهشتی

(سلطان شہید کی باتیں سن کر ) میرے صبر و سکون کا شیشہ پاش پاش ہو گیا، یعنی پیمانہ لبریز ہو گیا ۔ میرا صبر و قرار جاتا رہا ، مگر پیر رومی نے میرے کان میں کہا کہ اٹھ اب یہاں سے چلیں ۔

آہ وہ سلطان شہید کی عشق کی باتیں اور انہیں سن کر پیدا ہونے والا جذب و یقین، آہ و ایوان اور وہ پاک بلند محل ۔

چنانچہ میں پر خوں دل کے ساتھ بہشت کے دروازے پر پہنچا، وہاں دروازے پر میں نے حوروں کا ہجوم دیکھا ۔

ان کے ہونٹوں پر زندہ رود، اے زندہ رود، اے سوز و ساز کے مالک کے الفاظ جاری تھے ۔

دائیں بائیں حوروں کا شور و غوغا اٹھ رہا تھا کہ اے زندہ رود ، ہمارے پاس ایک دو لمحہ بیٹھ جاوَ، ہمار ے ساتھ بیٹھے رہو ۔

وہ مسافر جسے سفر کے رازوں کا علم ہے وہ لٹیروں سے اتنا زیادہ نہیں ڈرتا جتنا منزل سے ڈرتا ہے ۔

عشق و ہجر اور وصال میں آسودگی نہیں پاتا ۔ وہ جمال لایزال کے بغیر آسودہ نہیں ہوتا ۔

عشق کی ابتدا بتوں کے آگے جھک جانے سے ہے اور اس کی انتہا ان دلبروں حسینوں سے آزاد ہو جانا ہے ۔

عشق بے پروا ہے اور ہر دم سفر میں رہتا ہے ۔ خواہ مکان ہو یا لامکان وہ ہر جگہ مسافر ہے ۔

ہمارا مسلک تیز بہنے والی موج کی طرح ہے یعنی راستہ اختیار کرنا اور منزل کو چھوڑ دینا، مسلسل چلتے رہنا ۔

(اے زندہ رود) تیرے طور طریقے زمانے کی طرح ہیں ، ایک اچھی نوا تو ہمیں سنانے میں تامل نہ کر ۔ اپنے چند شعر ہی سنا دے ۔