غزل شمارهٔ 70

اس چمن میں گل و لالہ تمنا کا داغ نہ رکھتا تھا اور اس کی شوخ و بیباک نرگس نگاہ شوق نہیں رکھتی تھی ۔ چمن میں بے عملی کا دور دورہ تھا ۔

مٹی (آدم) میں سانس کی موج تو موجود تھی ۔ زندگی تو تھی لیکن اس کے اندر سوز والا دل پیدا نہیں ہوا تھا ۔ زندگی اک کارواں تو تھی لیکن اس کے ساتھ کوئی زادہِ راہ نہ تھا ۔ (زندگی میں ذوق عمل کی کمی تھی) ۔

زمانے کا میکدہ ، میکشوں کے شور و غل سے خالی تھا ۔ اس کی صراحی میں شراب عشق تو موجود تھی لیکن کوئی شراب پینے والا عاشق موجود نہیں تھا ۔

وادی سینا کی تجلی عشق کی بے زبانی کا شکوہ کر رہی ہے ۔ (جلوہَ حسن تو موجود ہے لیکن نظارہ کرنے والا کوئی نہیں ) دیدار کا تقاضا کرنے والا موجود نہیں ۔

عشق نے ہماری فریاد سے سارے ہنگامے برپا کئے ہیں ۔ ورنہ یہ خاموش بزم کوئی ہنگامہ (شور و غوغا) نہیں رکھتی تھی ۔