غزل شمارهٔ 4

(اے انسان) اگر تو محبت کے سمندر میں رہتے ہوئے ساحل کی تمنا کر رہا ہے تو یہ ایسے ہی ہے جیسے تو ہزاروں شعلے دے کر ایک چنگاری حاصل کرنا چاہتا ہے ۔

مجھے تو کھلی فضاؤں میں پرواز کی لذت سے آشنا کیا گیا ہے ۔ اور تو صرف چمن کی فضاؤں میں ہی آشیانہ بنانے کی خواہش رکھتا ہے (اپنے ذوق عمل کو ترک کر کے بے عملی کی زندگی بسر کر نا چاہتا ہے) ۔

تو ایک بار مردان آشنا (معرفت الہٰی سے باخبر لوگوں ) کا دامن تھام لے ۔ اگر تو واقعی اپنے محبوب کی محرمانہ نگاہ چاہتا ہے تو چاہتا ہے کہ محبوب کی نظر کرم تجھ پر ہو جائے (تو مردانِ عشق آشنا) کا دامن تھام لے ۔

تجھ میں عشق کا جنوں تو ہے ہی نہیں ۔ اور تو شہر بھر میں اس کا چرچا کرتا پھرتا ہے ۔ تو نے تو ساغرِ عشق ہی توڑ دیا ہے ۔ اور یہ خواہش کرتا ہے کہ رات کے وقت رندوں کی بزم بھی آراستہ ہو ۔

اگر تو چاہتا ہے کہ بزمِ رند آراستہ ہو تو معشوقانہ ناز و ادا سیکھنے کی کوشش کر ۔ اگر تو ہم عاشقانہ غزل کی طلب رکھتا ہے تو پھر محفل کے آداب بھی سیکھنا پڑیں گے ۔