غزل شمارهٔ 25

میں تو صحرا میں کھلنے والا لالہ ہوں (میرا باغ سے کیا کام) مجھے باغ سے لے جاوَ اور جنگل ، پہاڑ اور بیابان کی ہواؤں میں لے جاوَ ۔ (میری اصل عالم علوی ہے ۔ وہاں سے مجھے عالم دنیا میں لایا گیا ۔ اب مجھے پھر سے اسی عالم میں پہنچا دو ۔ اس شعر میں صحرا کنایہ ہے عالم علوی اور باغ کنایہ ہے عالم دنیا کا) ۔

(عالم علوی) دنیا میں آ کر میں نے لومڑی کی عیاری و مکاری سیکھ لی ہے ۔ اور اپنے آپ کو بھول گیا ہوں ۔ اے چارہ گرو مجھے سرکنڈوں کے جنگل میں واپس لے جاوَ ۔

میں اپنے سینے میں (را ز کی جو بات ) محفوظ رکھے ہوئے تھا اسے میں نے کھو دیا ہے (اپنے رب سے کیا ہوا وعدہ بھلا بیٹھا ہوں ) گرچہ میں تجربہ کار اور عمر رسیدہ ہو چکا ہوں اس کے باوجود میں ابھی تک اپنے خالق سے کیا ہوا وعدہ بھولا ہوا ہوں ۔ مجھے از سر نو مدرسہ کے ملا کے پاس لے جاوَ تا کہ وہ مجھے میرا بھولا ہوا سبق پھر سے یاد دلا دے ۔

میری حیثیت ایک خاموش ساز جیسی ہے کیونکہ اس کے اپنے تاروں میں سے اپنے نغموں کی بجائے دوسروں کے نغمے نکل رہے ہیں ( میں اپنا اصل مقصد بھول گیا ہوں ) مجھے اس موسیقار کے حضور لے جاوَ جو مجھے پھر سے (نغمات سرمدی) سے آشنا کر دے ۔

میری سیاہ رات روشن کرنے کے لیے اسی پرانے (داغِ عشق) کے سورج کی روشنی کافی ہے ۔ فانوس میں رکھا یہ (عقل کا چراغ) میری رات کی بزم سے لے جاوَ (زندگی کی رات آفتاب عشق سے روشن ہوتی ہے عقل کے چراغ سے نہیں ) ۔

میں تو وہ ہوں کہ جس نے غلاموں کو بادشاہی کے اصول سمجھا دیے ہیں ۔ میں نے بادشاہ کے حضور گستاخی کی ہے ۔ مجھے اس کے پاس لے جاوَ ۔