غزل شمارهٔ 66

یہ دنیا بھی ایک جہان ہے اور وہ آخرت بھی ایک جہان ہے ۔ اس کا بھی کوئی کنارہ نہیں اور یہ بھی بے کنار ہے ۔

دونوں ہی خیال اور دونوں ہی قیاس ہیں ۔ دونوں میرے شعلہ سانس کے دھوئیں کی لہریں ہیں ۔ (دنیا اور آخرت دونوں ہی خیال و قیاس ہیں ۔ لیکن اگر انسان اس دنیا میں نہ ہوتا تو کائنات کا وجود بھی نہ ہوتا) ۔

یہ دنیا بھی ایک دو لمحہ کے لیے ہے اور وہ دنیا آخرت بھی ایکد و لمحے کے لیے ہیں ۔ اگر کسی کو دوام ہے تو وہ صرف میری ذات ہے ( میں ہمیشہ زندہ رہنے والا ہوں ) ۔

یہ دنیا بھی کم قدرو قیمت رکھتی ہے اور وہ دنیا بھی کم قیمت رکھنے والی ہے ۔ (کم قیمت اس لیے کہ یہ خودی آشنا نہیں اور فنا اس کا مقدر ہے) میں ایک پاک جان ہوں کیونکہ میں خودی آشنا ہوں اور دنیاوی آلائشوں سے پاک ہوں ۔ میں ایک ایسی نقدی ہوں جو ہمیشہ کارگر ہو گی ۔ اللہ کے بندے ہمیشہ زندہ رہتے ہیں ۔

اس جگہ (اس دنیا میں ) میرا کچھ عرصہ کے لیے مقام ہے اور وہاں (اس دنیا میں بھی کچ عرصہ میرا قیام رہے گا) میرا سفر جاری رہے گا ۔

اس جگہ (دنیا) میں میرا کیا کام ہے اور اس جگہ اُس دنیا میں میں میرا کیا کام ہےعشق میں نالہ و شیون کرنا ۔

یہ بھی میرا رہزن ہے اور وہ جہاں بھی لٹیرا ہے اس جگہ بھی نقصان ہے اور اس جگہ بھی گھاٹا ہے (یہ دونوں جہان میرے مقصدِ حقیقی کی راہ میں رکاوٹ ہیں )

میں ان دونوں جہانوں کو منور کرتا ہوں اور پھر دونوں کو جلا دیتا ہوں ۔ چاہے یہ آشیانہ چاہے اس دنیا کا چاہے وہ آشیانہ اس دنیا کا ہو ۔