غزل شمارهٔ 32

پہاڑ سے ہیبت اور جلال چھین کر ایک تنکے کو بخش دیتے ہیں ۔ راستے میں پڑے ہوئے کسی فقیر کو جمشید کا تاج عطا کر دیتے ہیں ۔

عشق کی راہ میں نام و نسب (فلاں ابن فلاں ) کوئی چیز نہیں ۔ حضرت موسیٰ کا ید بیضا کسی حبشی کو بخش دیا جاتا ہے ۔

کبھی سلطان کے فرزند تک کو بادشاہی نہیں دیتے کبھی ایسا ہوتا ہے کہ ایک کنویں میں پڑے ہوئے شخص (یوسف) کو بخش دیتے ہیں ۔

فقر کو بھی جہاں کا رکھوالا اور حاکم بنا دیتے ہیں اسی لیے اس راہ نشیں کو نگاہ کی تلوار عطا کرتے ہیں ۔ اسی مضمون کو اقبال نے بال جبریل میں یوں ادا کیا ہے ۔ نہیں فقر و سلطنت میں کوئی امتیاز ایسا یہ سپہ کی تیغ بازی وہ نگہ کی تیغ بازی

عشق، عقل کے ہاتھوں پامال ہو گیا اور جہان بدل گیا (دنیا وہ نہیں رہی) کیا ایسا ہو گا کہ وہ مجھے ایک آہ کی رخصت بخش دیں ۔