غزل شمارهٔ 11

ہماری طرف سے اس ظالم محبوب کو سلام کہنا کہ تو نے ایک نگاہ سے تمنا کا پورا شہر پھونک ڈالا ۔

یہ نکتہ صرف درد مند ہی سمجھ سکتا ہے میں نے اگرچہ توبہ کا اعلان کیا مگر پیالہ توڑا نہیں (واپسی کی گنجائش رکھی ہوئی ہے) ۔

اے بلبل میں نے سو بار تجھے اس کی وفا کا حال سنایا تو پھر اس رمیدہ بو کو سینے سے لگا لیتی ہے ۔

تو زندگی کی رمز تلاش کرتا ہے تو اسے صرف تپش میں پائے گا ۔ ندی کے لیے سمندر میں گم ہو جانا باعث شرم ہے (زندگی نام ہے مسلسل تڑپتے رہنے کا ، خود ی کے لیے یہ بات تو موجب تو نہیں ہے کہ وہ اپنی ہستی کو خدا کی ہستی میں مدغم کر دے ۔

میں خوش ہوں کہ تو نے عاشقوں کو سوزدوام عطا کیا اور طلب کے روگ کا علاج نہیں پیدا کیا ۔

تو نے کہا میرے وصال کی طلب مت کر میں خیال سے بھی بلند ہوں ۔ بہانہ ڈھونڈنے والے آنسووَں کو تو نے راہ سجھا دی ۔ تیرے اس قول نے میرے اشکوں کو از سر نو رواں ہونے کا ایک نیا عذر مہیا کر دیا یعنی جب تو نے یہ کہا کہ میر ا وصل ناممکن ہے تو میرے آنسو پھر بہنے لگے ۔