بخش 37 - جوی آب

دیکھ کہ ندی کیسی مستانہ چلی جارہی ہے ۔ جیسے سبزہ زار کی چھاتی پر کہکشاں بادلوں کے

پنگھوڑے میں میٹھی نیند سوئی ہوئی تھی ۔ اس نے کہسار کی آغوش میں اپنی چشم شوق کھولی ۔ نوٹ: علامہ اقبال نے حاشیہ میں خود تصریح فرمائی ہے یہ گوءٹے کی مشہور نظم موسوم بہ نغمہ محمد کا ایک آزاد ترجمہ ہے یہ نظم رموز و کنایات سے معمور ہے ۔ گوءٹے آنحضرت کی پیغمبرانہ شان سے اور اس کامیابی سے جو آپ کو اپنے مقصد میں حاصل ہوئی بہت متاثر تھا ۔

اس کا بہاوَ سنگریزوں سے نغمے نکالتا ہے اس کی پیشانی آئینہ کی طرح بے رنگ اور بے غبار ہے ۔

بے کنار سمندر کی طرف کیسی مستانہ چلی جا رہی ہے اپنے آپ میں ایک اور باقی سب سے بیگانہ چلی جا رہی ہے ۔

اس کے راستے میں بہار نے پری خانہ بنا دیا ۔ نرگس پھوٹی اور لالہ اگا اور چنبیلی کے پھول کھلے ۔

گلاب نے ناز و انداز سے کہا ہمارے پاس ٹھہر، کلی مسکرائی اور اس نے اس کے دامن کا کنارہ کھینچا ۔

مگر وہ ان سبز پوش جلوہ فروشوں سے الگ رہی ۔ وہ صحرا میں سے گزری اور کوہ و کمر کی چھاتی پھاڑ دی ۔

بے کنار سمندر کی طرف کیسی مستانہ چلی جا رہی ہے اپنے آپ میں ایک اور باقی سب سے بیگانہ چلی جا رہی ہے(اپنے اندر یگانہ اور باقی سب سے بیگانہ) ۔

صحرا اور ہریاول اور پہاڑ اور باغ اور سرسبز وادی کی ان گنت ندیاں بولیں اے تو کہ تیرے لیے زمین کی وسعتیں سازگار ہیں ۔

ہم جو کم پانی کے سبب راستہ نہیں پا سکیں ۔ ہمیں ریگستان کی ریت کی تباہی سے بچا ۔

اس نے مشرق و مغرب کی ہواؤں کے لیے اپنا سینہ کشادہ کیے ہوئے گرے پڑے ہمسفروں کو آغوش میں لیے ہوئے

بے کنار سمندر کی طرف کیسی مستانہ چلی جا رہی ہے ہزاروں بے مثال موتی لیے ہوئے رواں دواں ہے ۔

(گویا) یہ ٹھاٹھیں مارتا دریا بندشوں اور رکاوٹوں سے گزر گیا ۔ وہ گھاٹی اور پہاڑ اور ٹیلوں سے تنگ راستوں سے نکل گیا ۔

اس نے سیلاب کی طرح بلندی اور پستی کو ایک سا (برابر) کر دیا ۔ یہ شاہوں کے محل اور قلعے اور کھیتی اور چمن پر سے (باسانی) گزر گیا ۔

بے چین اور بپھرا ہوا ، جگر سوز اور بےقرار ہر گھڑی نئے رنگ اختیار کرتا اور پرانا رنگ چھوڑتا ۔

بے کنار سمندر کی طرف کیسی مستانہ چلی جا رہی ہے اپنے آپ میں ایک اور باقی سب سے بیگانہ چلی جا رہی ہے ۔