بخش 3 - ارض ملک خداست

مشرق و مغرب کے حالات سے یہ بات سامنے آتی ہے کہ ان میں زمین کی خاطر لڑائی جھگڑوں کے فتنے پیدا ہوئے ہیں ۔

یہ ایک دلہن ہے اور ہم سب اس کے شوہر ہیں ۔ یہ ایک جادوگر ہے جو ہم سب کے ساتھ بھی ہے اور ہم سب کے بغیر بھی ۔

اس کے سارے ناز نخرے مکر و فریب ہیں نہ یہ تیری ہے اور نہ میری ہے ۔

یہ دوڑے اور پتھر تجھ سے موافقت نہیں رکھتے ۔ اس لیے کہ یہ تو آبادی کے اسباب ہیں ایک جگہ ٹکے ہوئے ہیں اور تو سفر میں ہے ۔

سوئے ہوئے اور بیدار میں باہمی میل جول کیسا کسی ساکن کو حرکت و گردش میں رہنے والے سے کیا سروکار

اللہ تعالیٰ نے زمین کو صرف ہماری متاع فرمایا ہے ۔ یہ بے بہا زمین مفت ہے مفت ۔

اے جاگیردار، زمیندار تو مجھ سے ایک گہری بات سمجھ ۔ تو اس زمین سے رزق اور قبر حاصل کر اس پر قبضہ نہ کر ۔

تیری اس کی محبت کب تک، تو تو بود (وجود) ہے اور وہ نبود (نابود، مردہ) ہے ۔

تو تو ایک عقاب ہے، تو آسمانوں کا طواف کرنے والا بن، بال و پر کھول یعنی اڑ اور خاک سے پاک ہو جا ۔

الارض للہ (زمین اللہ کی ہے ) کا باطن ظاہر ہے جو کوئی یہ ظاہر نہیں دیکھتا وہ کافر ہے ۔

میں تجھے یہ تو نہیں کہتا کہ تو مکان اور آبادی کو چھوڑ دے، یہ جہان رنگ و بو تو تیری بدولت ہے ۔

تو زمین سے دانوں کے موتی حاصل کر (اس کی کاشت سے زیادہ پیداوار حاصل کر) تو اس کے آسمانوں سے شاہین کی طرح شکار حاصل کر ۔

تو اپنی کلہاڑی اس کے کوہسار پر چلا ۔ اپنے اندر سے نور حاصل کر کے اس کی آگ پر لگا ۔

آزری طریقے سے بیگانہ ہو جا اور اپنی خواہش کے مطابق ایک نیا جہان تراش ۔

تو دنیا کی دل کشیوں اور دلچسپیوں اور محل اور آبادی سے دل نہ لگا ۔ اس لیے کہ دل تو اس ذاتِ اقدس کا گھر ہے ۔ اسے تو اس ذات کے سوا اور کسی کو نہ دے ۔

بے سروسامانی کی حالت میں اور گور و کفن کے بغیر مرنا کیا ہے سونے چاندی اور فرزندوں میں خود کو کھونا یا محو کرنا ہے ۔

جو کوئی لا الہ (اللہ کے سوا کوئی معبود نہیں ہے ) کے الفاظ حفظ کر لیتا ہے وہ سارے جہان کو اپنے اندر سمو لیتا ہے ۔

بھوک اور رقص اور عریانی یہ فقر کہاں ہے (یہ کہاں کا فقر ہے) فقر تو بادشاہت ہے اس میں ترکِ دنیا کہاں ہے (نہیں ہے) ۔