بخش 3 - انا الحق

انا الحق کہنا خدا کی بڑائی کے سوا (کسی کے لیے ) نہیں ہے ۔ اس کی سزا پھانسی ہے یا نہیں ہے ۔

اگر ایک فرد انا الحق کہے اس کی سزا ہے اگر ایک قوم کہے تو جائز ہے ۔

اس قوم کے لیے انا الحق کہنا موافق ہے کیونکہ اسکی ملت کے درخت کی ہر شاخ اسکے خون سے تر ہے ۔

وہ ملت جس کے اقتدار اور رعب میں فکر و خیال کی خوبصورتی چھپی ہوئی ہے اس کو یہ تو آسمان آئینے کی مانند ہیں (جن میں ہر چیز کا عکس واضح اور روشن نظر آتا ہے) ۔

ایسی ملت امتوں میں بلند مقام رکھتی ہے کیونکہ یہ امت دونوں جہانوں کی پیشوا ہے ۔

ایسی ملت نئے انکشافات و تخلیقات کرنے سے تھکتی نہیں ۔ اس لیے نیند اور کاہلی و سستی اس پر حرام ہے ۔

اس قوم کا وجود اندرونی سوز (عشق کی حرارت) سے شعلہ بن گیا ہے ۔ اس لیے اس کو یہ تخمین و ظن کا جہاں خس و خاشاک کی مانند ہے ۔

اس قوم کا حوصلہ انا الحق کی تشریح کرتا ہے تو اس کے کن ہو جا کہنے پر فیکون ہو جاتا ہے ۔ یعنی ایسی قوم ایسے مقام پر فائز ہو جاتی ہے کہ اس کی زبان و دل نکلا ہوا ہر حرف پورا ہو جاتا ہے ۔

وہ قوم آسمانوں کی وسعتوں میں دوسروں سے الگ پرواز کرتی ہے ۔ اورر اس کی نگاہ گھونسلے کی شاخ پر ہوتی ہے ۔

چاند اور ستارے اس (انا الحق کے مقام پر موجود قوم) کی کمند کے اسیر ہوتے ہیں ۔ گویا زمانے کی تقدیر اس کے ہاتھ میں ہوتی ہے ۔

ایسی قوم باغوں میں خوش آواز بلبل کی مانند ہوتی ہے ۔ یعنی دنیا میں امن و سکون کی علامت ہوتی ہے ۔ بیابانوں میں پرندوں پر جھپٹ کر حملہ کرنے والے شکاری باز کی طرح ہوتی ہے ۔ یعنی جنگ کے میدان میں ڈٹ کر مقابلہ کرتی ہے ۔

اس کے بادشاہ بادشاہی میں بھی فقیر اور اسکے فقیر درویشی میں بھی امیر ہوتے ہیں ۔

اپنے نئے پیالے سے پرانی شراب کو میرے نئے پیالے میں ڈال اپنی روشنی سے بلند عمارات اور گلی کوچوں کو فیض یاب کر ۔ یعنی اپنی پرانی روایات کو ازسر نو اپنا اور ایمان کی روشنی سے نئی نسل کو متعارف کروا ۔

اگر تو منصور حلاج کی شاخ سے پھل (فائدہ) چاہتا ہے تو دل سے لا غالب الا اللہ کا قائل ہو جا ۔