غزل شمارهٔ 8

آ جا کہ گل چہرہ ساقی نے ساز پر ہاتھ رکھا ہے بہار کی ہوا سے چمن ارژنگ کا جواب بن گیا ہے(نہایت دلکش معلوم ہوتا ہے) ۔

نئی نویلی بہار کے دل کے لہو سے مہندی لگا رہی ہے عروس لالہ رنگ رچانے کی کتنی پیاسی ہے ۔

دل کو روشن کرنے والے نغمے سے نظر پہنچ رہی ہے اس معنی تک جس پر حرف کا جامہ تنگ ہے (جو الفاظ میں بیان نہیں ہو سکتے) ۔ یعنی موسم بہار میں مطرب دلنواز (مرشد) جب نغمہ سرائی کرتا ہے تو سامعین (عاشقوں ) پر وہ روحانی حقائق منکشف ہوتے ہیں کہ لفظوں کے ذریعے سے ان کا بیان ناممکن ہے ۔

عشق کی آنکھ سے دیکھ تا کہ تو جہان کا سراغ پا سکے، عقل کی نظر میں تو یہ محض سحر و ساحری ہے۔

ترجمہ: میاں عبدالرشید

عشق سے عمل کا سبق لے اور پھر جو چاہے کر کیونکہ عاشق سمجھ کا جوہر ہے اور عقل کی روح (جان) ہے ۔

ہماری منزل آسمان سے بھی زیادہ بلند ہے سورج قافلے کی راہ میں کوس کے پہلے میل پر ہے ۔

اے انہونی سوچنے والے قطرے تو اپنے آپ سے گزر گیا ہے ورنہ سمندر میں مل جاتا اور موتی بن کے نہ نکلنا باعث شرم ہے ۔

تو اپنا مول نہیں جانتا، تیری وجہ سے تو لعل درخشاں قیمت پاتا ہے ورنہ جگر جگر کرتا یاقوت تو پتھر کا ٹکڑا ہے ۔