غزل شمارهٔ 22

میں اس ماہ کامل کے دیدار کی حسرت رکھتا ہوں ۔ ہاتھ سینے پر نظر چھت کی منڈیر پر رکھتا ہوں ۔

حسن کہتا تھا کہ میری سحر شام قبول نہیں کرتی ( میں لازوال ہوں ) عشق کہتا تھا میری تب و تاب لایزال (دوائمی) ہے ۔

میں نہ آج کا اسیر ہوں نہ کل کا نہ میں نشیب و فراز رکھتا ہوں نہ کوئی منزل ۔

میں غیب کی شراب ہوں اور ہم پیالہ ڈھونڈتا ہوں ۔ میں مستوں کے حلقے میں پیالے کو گردش میں رکھتا ہوں ۔

میری مجذوب کی پکارر ان سنی کر کے مت گزر ۔ میں لاہوت کا پرندہ ہوں اور دوست کا پیغام لایا ہوں ۔

میں ان دیکھے کو دکھا دیتا ہوں مگر کلام چھپا کے کرتا ہوں میں خون بہانے والی تلوار ہوں لیکن خود کو نیام میں رکھتا ہوں ۔ (اگرچہ میں رموز قلندری فاش کر رہا ہوں لیکن میرا انداز بیان رمزیہ ہے یعنی میں ا ستعاروں میں گفتگو کرتا ہوں ) ۔