غزل شمارهٔ 15

تیر اور برچھی اور خنجر اور تلوار میری آرزو ہے (خدا کی راہ میں جہاد کروں ) ۔ میرے ساتھ نہ آ کہ میں شبیر کی راہ پر چلنا چاہتا ہوں ( خدا کی راہ میں سر کٹانا چاہتا ہوں ) ۔

آشیانہ بنانے کے واسطے میرا تنکے جمع کرنا دیکھ ۔ پھر یہ بھی دیکھ کہ میں بھڑکتے ہوئے شعلے کا آرزو مند ہوں ۔ میں جائز طریقے سے دولت بھی جمع کرتا ہوں لیکن اپنی جان اور مال دونوں خدا کی راہ میں قربان کرنے کو تیار ہوں ۔

انھوں نے کہا کہ ہونٹ سی لے اور ہمارے اسرار مت بیان کر ۔ میں نے کہا کہ بہتر مگر مجھے نعرہ تکبیر بلند کرنے کی آرزو ہے (ایک مسلمان جب اللہ اکبر کہتا ہے تو بالفاظ دیگر وہ تمام اسرار کو فاش کر دیتا ہے) ۔

انھوں نے کہا تیرے جی میں جو کچھ آتا ہے ہم سے مانگ لے ۔ میں نے عرض کی کہ مجھے تقدیر کو بے حجاب دیکھنے کی آرزو ہے (عبدیت سے بلند تر اور کوئی مقام نہیں ہے) ۔

مجھے اپنے دن رات کی بس اتنی سدھ خبر ہے میرا خواب جی سے بسر گیا اور مجھے تعبیر کا ارمان ہے ۔میں جب اپنی زندگی پر غور کرتا ہوں تو یہ ایک ایسا خواب محسوس ہوتا ہے جس کا نقش تو ذہن سے محو ہو چکا ہے یعنی میں بھول گیا کہ کیا خواب دیکھا تھا لیکن اب اس کی تعبیر کی آرزو ہے۔

کدھر ہے وہ چت چور نظر جو پہلی بار میرا دل لے گی تھی تیری عمر دراز ہو مجھے پھر اسی تیر کی تمنا ہے ۔