بخش 7 - مناجات مرد شوریده در ویرانهٔ غزنی

لالہ سورج کی صرف ایک کرن کی خاطر خود کو شاخ میں بہت بے قرار اور مضطرب رکھتا ہے ۔

جب بہار اسے ظاہر کر دیتی ہے تو اسے کہا جاتا ہے کہ یہاں ایک لمحہ سے زیادہ مت ٹھہر ۔

یہ دونوں ایک دوسرے کے لیے سازو سامان ہیں میں نہیں جانتا کہ زندگی بہتر ہے یا موت ۔

زندگی نیکی اور بدی کی ایک مسلسل کشمکش کا میدان ہے ۔ آج کی ساری چمک دمک کل کے خون سے ہے ۔

پناہ ہے زمانے کے حیلہ سازیوں سے ۔ ایام کے صبح اور شام سے پناہ ہے پناہ ہے ۔

اے جسم و جان کے صورت گر ۔ یہ دیوانہ تجھ سے ایک بات کرنے کی خواہش رکھتا ہے ۔

میں اس پرانے بت کدہ میں کئی فتنے دیکھ رہا ہوں ۔ خلوت و انجمن میں بھی کئی فتنے دیکھتا ہوں ۔

یہ دنیا تیری قدرت سے معرض وجود میں آئی یا کسی دوسرے خدا نے اسے پیدا کیا ہے

اس کا ظاہر تو امن و اخلاص ہے لیکن باطن میں عداوت ہے جس سے اہل دل کا شیشہ دل چور چور ہے ۔

صدق اور اخلاص اور صفا جیسی خوبیاں باقی نہیں ہیں ۔ ختم ہو کے رہ گئی ہیں ۔ وہ جام ٹوٹ چکا ہے اور ساقی باقی نہیں ہے ۔

تیری نظر تو فرنگیوں کے سرخ چہروں پر ہے ۔ جن کے فریب سے انسان بے رونق سا ہو کر رہ گیا ہے ۔

اے لات و منات کے ناو ادا کے شہید، اس کائنات کا نظم و نسق کس کے ہاتھ میں ہے ۔

وہ مرد حق جو کبھی روشن ضمیر بندہ تھا صرف وہی اس دنیا میں تیرا خلیفہ تھا ۔

اب وہ مال و دولت اور اولاد و ازدواج کے بندھن میں گرفتار ہے ۔ اگر تجھ سے ہو سکے تو اس کا سومنات گرا ۔

یہ مسلمان کس کے پرستاروں میں سے ہیں کہ ان کے دل میں تو ایک بھی ہنگام نہیں ہے ۔

اس کا سینہ بے سوز ہے اورر اسکی روح میں کوئی جوش و جذبہ نہیں ہے ۔ وہ اسرافیل ہے لیکن اس کا صور خاموش ہے ۔

اس کا دل ایمان کی پختگی سے خالی ہے اورا سکی جان پژمردہ ہے اس دنیا میں اس کا سازوسامان بے قیمت ہے ۔

زندگی کے میدان جنگ میں اس کے پاؤں ڈگمگاتے ہیں ۔ وہ اپنی آستین کے اندر لات و منات رکھے ہوئے ہیں ۔

موت کو وہ کافروں کی طرح زندگی کو ختم کر دینے والی سمجھتا ہے ۔ اس کی آگ خاک کی مانند تپش سے خالی ہے ۔

اس کی خاک سے دوبارہ شعلہ پیدا کیجئے ۔ اس کی وہ طلب اور جستجو واپس لائیے ۔

پھر اسے پہلے والا جذب اور اندرون و جنون ذوفنون عطا فرمائیے ۔

مشرق کو اس کے وجود سے استحکام و قوت دیجیے ۔ آنے والے کل کی صبح اس کے گریبان سے طلوع کر ۔

بحر احمر کو اس کے عصا سے پھاڑ ڈالیے ۔ اس کے دبدبے سے کوہ و قاف میں زلزلہ طاری کیجیے ۔