بخش 8 - قندهار و زیارت خرقهٔ مبارک

قندھار بہشت صورت علاقہ ہے ۔ اس کی خاک اہل دل کے لیے خاک مراد کا درجہ رکھتی ہے ۔

اس علاقہ میں رنگوں ، خوشبووَں ، ہواؤں اور چشموں کی فراوانی ہے اس کا پانی پارے کی طرح چمکتا ہے ۔

لالہ کے پھول اس کے پہاڑوں کی خلوت میں کثرت سے کھلے ہوئے ہیں ۔ انار کے دانے ایسے سرخ ہیں گویا وہ یخ بستہ آگ ہوں ۔

اس شہر کا کوچہ ہمارے لیے محبوب کا کوچہ ہے ۔ اے ساربان محبوب کی طرف چلنے کے لیے اونٹ پر محمل باندھ

میں پھر یاران نجد کے نغمے گا تا ہوں اور ان نغموں سے اونٹنی کو وجد میں لاتا ہوں ۔

میں پیر مغاں کے دیر (میخانے) سے شراب پئے بغیر ہی بحالت مستی آ رہا ہوں ۔ میں لا کی منزل میں الا کی شراب سے مست رہا ۔

مجھے معلوم ہے کہ اس کی نگاہ ہر ایک کا ظرف دیکھ لیتی ہے ۔ چنانچہ ساقی نے مجھے اپنے ناز و اداہی سے مست کر دیا ہے ۔

اب وقت آ گیا ہے کہ میں مولانا روم کا میخانہ پھر سے کھول دوں ۔ میں نے پیران حرم کو کلیسا کے صحن میں مست دیکھا ہے ۔

یہ کسی فلسفی کا کام نہیں ہے اس کے لیے کسی کلیم کا دامن تھام ۔ کیونکہ ساحل پر عالم کیف میں ڈوبے ہوئے سو مستوں کے مقابلے میں ایک دریا مست کہیں افضل ہے ۔

میں اپنے دل کو چمن میں لے گیا وہ کھلنے کے بجائے الٹا باغ کی ہوا سے افسردہ ہو گیا ۔ صحرا میں مست رہنے والا یہ لالہ (میرا دل ) پھلواڑیوں میں مرجھا کے رہ جاتا ہے ۔

اس کی دل آویز آواز سے حرم کے اسرار ظاہر ہو رہے تھے ۔ کل میں بطحا کی وادی میں ایک کافر کو بے خودی کے عالم میں دیکھا (اپنے متعلق کہہ رہے ہیں ) ۔

یہ وادی سینا ہے یا فاران کی وادی، یارب یہ کونسی جگہ ہے ۔ کہ میری خاک بدن کا ہر ذرہ آنکھ بن کر مست تماشا ہے ۔

وہ جو برزخ لا یبغیان کی گدڑی ہے اسے میں نے لی خرقتان کے نکتہ (عمل صورت) میں دیکھا ۔ میں نے آئینہ شریف میں دو ملے ہوئے دریا جو الگ الگ رستے میں کی تشریح دیکھی ہے ۔

حضور کا دین حضور کا آئین ہر چیز کی تفسیر و تشریح ہے ۔ اور حضور کی پیشانی پر پوری تقدیر کی لکیر موجود ہے ۔

حضور نے عقل کو صاحب اسرار بنا دیا ۔ عشق کو حضور نے زبردست کاٹ والی تلوار بنا دیا ۔

عشق کے قافلے کے لیے حضور کی ذات گرامی ایک منزل کی حیثیت رکھتی ہے ۔ ہم سب ایک مٹھی خاک ہیں اور آپ حضور دل ہیں ۔

حضور کو آشکارا دیکھنا ہماری معراج ہے ۔ آپ ہی کے ضمیر میں ہماری مسجد اقصیٰ ہے ۔

حضور کے لباس سے حضور کی خوشبو آتی ہے ۔ حضور نے ہمیں اللہ ہو کا نعرہ عطا کیا ۔

بے پروا عشق نے میرے دل کے ساتھ کیا کیا ۔ تلخ شراب نے صراحی کا کیا حال کیا ۔

میرا دل سینے میں جنون کی شدت سے رقص کرنے لگا ۔ یہاں تک کہ وہ آنکھوں کے راستے باہر آنے لگا ۔ آنسو بن کر ٹپکنے لگا ۔

اس دل نے کہا میں جبرئیل ہوں اور نور مبین (آشکارا نور ) ہوں ۔ میں نے اس سے پہلے اسے اس حالت میں نہیں دیکھا تھا ۔

اس نے رومی کا شعر پڑھا اور پھر وہ پہلے ہنس دیا اور بعد میں رو پڑا ۔ یا الہٰی یہ ہوش مند دیوانہ کون ہے ۔

حرم میں اس نے مجھ سے رندانہ باتیں کیں ۔ اس نے شراب خوبصورت بچہ اور پیمانے کے بارے میں باتیں کیں ۔

میں نے اس سے کہا کہ یہ کیسی بیباکانہ باتیں ہیں ۔ ہونٹ بند کر لے یہ تو خاموشی کا مقام ہے ۔

میں نے تجھے اپنے خون سے پالا ہے ۔ تجھے صاحب آہ سحر بنایا ہے ۔

اے دانا اس گہری بات کو پھر سے سمجھ لے کہ مردوں کا عشق ضبط احوال ہی کا نام ہے اور بس ۔

اس نے کہا، عقل و ہوش تو دل کے لیے مصیبت ہیں جبکہ دل کا کام تو مستی و وارفتگی ہے ۔

اس نے نعرے لگائے پھر سجدے میں گر گیا اس کی آواز کا شعلہ تھا وہ خود نہیں تھا ۔