بخش 4 - در بیان اینکه خودی از عشق و محبت استحکام می پذیرد

نور وہ نقطہ جس کا نام خودی ہے ہماری خاک (بدن) کے اندر زندگی کی ایک چنگاری ہے گویا ہماری زندگی خودی پر منحصر ہے ۔ یہ ایک ایسا نقطہ نور ہے جس کی بدولت انسان کی زندگی منور ہوتی چلی جاتی ہے ۔ جب انسان اپنی خودی سے یعنی اپنی ذات کی حقیقت سے آگاہ ہو جاتا ہے تو اس میں ایسی قوت پیدا ہو جاتی ہے جس کی بنا پر وہ بڑے بڑے کارنامے سرانجام دیتا ہے ۔

وہ محبت سے زیادہ دیر تک رہنے والی اور زیادہ زندہ، زیادہ جلانے والی اور زیادہ چمکنے والی بن جاتی ہے ۔

محبت ہی سے اس کی جوہر میں نکھار پیدا ہوتا ہے اور اس میں پوشیدہ امکانات یعنی قوتوں کی نشوونما ہوتی ہے ۔

خودی کی فطرت عشق ہی سے حرارت حاصل کرتی ہے اور عشق ہی سے دنیا کو روشن اور منور کرنے کا طریقہ سیکھتی ہے ۔

عشق کو تلوار اور خنجر سے کوئی خوف نہیں ہے ۔ عشق کی اصل پانی، آگ ، ہوا اور خاک یعنی عناصر اربعہ سے نہیں ہے ۔

عشق کی تیغ جوہر دار آب حیات ہے؛ اسی سے دنیا میں صلح و آشتی ہے اور اسی سے جنگ و جدل

ترجمہ: میاں عبدالرشید

عشق کی نگاہ سخت پتھر کو بھی توڑ دیتی ہے ۔ حق کا عشق آخر کار خود حق کی مکمل صورت بن جاتا ہے(حق کے ساتھ عشق آخر خود حق بن جاتا ہے) ۔

تو بھی عاشقی سیکھ اور کوئی محبوب تلاش کر، کسی نوح کی آنکھ اور کسی ایوب کا صبر مانگ ۔ نوح کی آنکھ یہاں تلمیح ہے ۔ حضرت نوح علیہ السلام کو کفار سے سخت قسم کا واسطہ پڑا ۔ وہ اللہ کے حضور گڑگڑا کر روتے رہے ۔ اس سے ان میں گداز دل پیدا ہوا، جو عشق میں یا مقصد و محبوب تک رسائی کے لیے بڑا ضروری ہے ۔ حضرت ایوب علیہ السلام کا صبر مشہور ہے سخت سے سخت آزمائش میں بھی انھوں نے صبر سے کام لیا ۔ گویا علامہ ان دو حوالوں سے سراپا عمل بننے، دل میں گداز پیدا کرنے اور ہر آزمائش میں صبر کی بدولت پورا اترنے کی تلقین فرماتے ہیں ۔ علامہ ہی کا ایک شعر ہے: تو بچا بچا کے نہ رکھ اسے تیرا آئینہ ہے وہ آئینہ کہ شکستہ ہو تو عزیز تر ہے نگاہ آئینہ ساز میں

تو مٹی کی ایک مٹھی سے کیمیا پیدا کر، کسی کامل انسان کے آستانے پر بوسہ دے ۔

اپنی شمع کو پیر رومی کی طرح روشن کر، روم کو تبریز کی آگ میں جلا دے ۔مولانا روم یا رومی ساتویں صدی ہجری تیرھویں صدی عیسوی کے بہت بڑے عالم و صوفی گزرے ہیں ۔ شروع میں انھوں نے درس و تدریس کا پیشہ اپنایا، لیکن ایک موقع پر جب ان کی ملاقات شمس تبریزی جیسے صاحب باطن درویش سے ہوئی تو اس ملاقات نے ان کی کایا ہی پلٹ کر رکھ دی اور وہ ظاہری علوم اور درس و تدریس سے الگ ہو کر باطن کی طرف متوجہ ہو گئے ۔ علامہ کے نزدیک رومی سراپا عشق کی علامت ہیں ۔ علامہ اسی حوالے سے فرماتے ہیں کہ جس طرح مولانا روم نے شمس تبریزی سے مل کر اپنی ذات کو بھلا دیا اور سراپا عشق بن گئے تو بھی کسی مرشد کامل تلاش کر کے خود کو بھی ایسے ہی مقام پر لے جا ۔

اے مسلمان تیرے دل میں بھی ایک معشوق پوشیدہ ہے اگر تو آنکھ رکھتا ہے ( تو بصیرت رکھتا ہے) تو آ، میں تجھے دکھا تا ہوں ۔ مسلمانوں کی حضور اکرمﷺ سے دوری کا نتیجہ علامہ نے اپنی ایک دو بیتی میں اس طرح بتایا ہے

اس (حضور) کے عاشق حسینوں سے بھی کہیں زیادہ حسین، عمدہ ، زیبا اور محبوب ہوتے ہیں ۔ آپ سے پیار کرنے والے زیادہ حسین اور خوبصورت ہو جاتے ہیں ۔

دل اس (حضور) کے عشق سے قوی اور مضبوط ہوتا ہے اور (مرتبے میں ) خاک بھی ثریا کے ہم پلہ ہو جاتی ہے (ثریا کے برابر پہنچ جاتا ہے) ۔

نجد کی خاک اس (حضور) کے فیض سے حرکت پذیر ہو گئی (چست و چالاک اور ہنر مند بن گئی) وہ (خاک) اس وجد کی کیفیت طاری ہوئی اور وہ آسمانوں پر جا پہنچی ۔

مصطفی ﷺ کا مقام مسلمان کے دل میں ہے ۔ ہماری عزت و آبرو مصطفی ﷺ کے نام مبارک سے ہے ۔

کوہ طور حضور کی دولت خانے کی گرد کی ایک لہر ہے اور آپ کا کاشانہ مبارک کعبہ کے لیے بیت الحرم (عزت کا گھر) کی حیثیت رکھتا ہے ۔

ابد حضور اکرم کے اوقات کے ایک پل سے بھی کمتر ہے ۔ ابد حضور اکرم کی ذات مبارک سے فیضان حاصل کرنے والا ہے ۔

چٹائی حضور اکرم کی راحت بھری نیند کی احسان مند ہے ۔ کسریٰ (ایران کا بادشاہ) کا تاج حضور اکرم کی امت کے پاؤں تلے ہے ۔

حضور اکرم نے غار ِ حرا کے شبستان (وہ جگہ جہاں رات بسر کی جائے) میں خلوت گزینی اختیار کی (اور اس طرح) ایک قوم ایک (عظیم) آئین اور ایک (عظیم) حکومت دنیا کو دی ۔

حضور اکرم کی مبارک آنکھیں کئی کئی راتیں نیند سے محروم رہیں ۔ جب کہیں قوم شاہی (امت) تخت پر آرام سے سوئی(آرام کیا) ۔

لڑائی (مرا د جہاد) کے وقت حضور اکرم کی تلوار لوہے کو پگھلا دینے والی تھی جب کہ نماز میں حضور کی آنکھیں آنسووَں سے پر رہتی تھیں (آنسووَں کی جھڑی لگ جاتی تھی) ۔

جب رسول اللہ ﷺ خدا سے (کافروں کے خلاف) فتح و نصرت کے لیے دعا فرماتے تو رسول اللہ کی تلوار آمین بن جاتی ۔ رسول اللہ کی تلوار نے بادشاہوں کی نسلوں کا سلسلہ کاٹ کر رکھ دیا ۔

رسول اللہ نے اس دنیا میں نئے آئین اور نئے نظام کی بنیاد رکھی ۔ گزشتہ قوموں کی مسندکو حضور نے الٹ کر رکھ دیا ۔

رسول اللہ نے دین کی چابی سے دنیا کا دروازہ کھولا ۔ رسول اللہ جیسی شخصیت دنیا کی کسی ماں نے پیدا نہیں کی ۔

رسول اللہ کی نگاہ مبارک میں بلند و پست یکساں تھے(سب لوگ ایک درجہ رکھتے تھے) ر سول اللہ اپنے غلام کے ساتھ ایک ہی دستر خوان پر کھانا کھانے بیٹھتے ۔

ایک جنگ میں اس بلند مرتبہ ذات رسول اللہ کے سامنے طے قبیلے کے سردار کی بیٹی کو بطور قیدی کے پیش کیا گیا ۔ جب رسول اللہ نے اس لڑکی کو بے پردہ دیکھا تو اپنی مبارک چادر اس کے سر پر ڈال دی ۔

اس کے پاؤں میں بیڑیاں تھیں اور اس کے لیے پردے کا کوئی سامان نہ تھا بے پردہ تھی ۔ شرم و حیا کے باعث اس کی گردن جھکی ہوئی تھی ۔

نبی نے اس لڑکی کو بے پردہ دیکھا تو اپنی مبارک چادر اس کے سر پر ڈال دی ۔

ہم قبیلہ طے کی اس خاتون سے بھی زیادہ عریاں ہیں ۔ دنیا کی قوموں کے سامنے بے چادر (بے عزت ) ہیں ۔

قیامت کے روز رسول اللہ ہماری آبرو اور عزت ہیں ۔ دنیا میں بھی رسول اللہ ہمارے پردہ دار ہیں ۔ رسول اللہ شفیع المذنبیں ہیں ۔ قیامت کے روز رسول اللہ اہل ایمان کی شفاعت فرمائیں گے تا کہ ان کی بخشش کا سامان ہو سکے، یوں ان کی ساکھ رہ جائے گی وہ ذلت و رسوائی سے بچ جائیں گے ۔

رسول اللہ کی مہربانی اور سختی دونوں مکمل طور پر ایک رحمت ہیں ۔ یعنی وہ لطف و مہربانی دوستوں اور ساتھیوں (اپنوں ، صحابہ کرام) کے لیے اور یہ یعنی قہر اور سختی دشمنوں کے لیے سراپا رحمت ہے ۔

وہ ذات والا صفات کہ جس نے دشمنوں کے لیے رحمت و شفقت کا دروازہ کھول دیا اس نے مکہ والوں لا تثریب کا پیغام دیا (معانی کی بشارت دی) ۔

ہم (مسلمان) جو وطن کی قید یعنی جغرافیائی حدود سے نا آشنا ہیں ، ہم تو دو آنکھوں کا نور ہیں لیکن نگاہ کی طرح ایک ہیں ۔

ہم حجاز ، چین اور ایران کے شہری تو ہیں؛ مگر ایک ہی صبح خنداں (حضور اکرم ﷺ کی شبنم ہیں (شبنم سے پھولوں کو تازگی ملتی ہے)۔

ترجمہ: میاں عبدالرشید

ہم ساقیء بطحا کی کیف چشم سے سرشار ہیں ؛ دنیا میں ہماری مثال مئے اور مینا کی سی ہے (جو تعلق مینا اور مئے کا ہے، یہی حضور اکرم ﷺ اور امت مسلمہ کا ہے)۔

ترجمہ: میاں عبدالرشید

حضور اکرم ﷺ نے نسلی امتیازات (مفاد) کو یکسر جلا دیا؛ حضور آنجناب ﷺ نے ان خس و خاشاک سے باغ دنیا کو پاک کر دیا۔

ترجمہ: میاں عبدالرشید

گل صد برگ کی مانند ہماری خوشبو ایک ہی ہے؛ نظام اسلام کی جان حضور اکرم ﷺ اور آپ ﷺ ایک ہیں۔

ترجمہ: میاں عبدالرشید

ہم (امت مسلمہ ) حضور ﷺ کے قلب میں پوشیدہ راز تھے؛ آنجناب ﷺ نے نعرۂ بیباکانہ (لا الہ الالہ) بلند فرمایا اور ہم ظاہر ہوئے۔

ترجمہ: میاں عبدالرشید

میری خاموشی میں حضور ﷺ کے عشق کا جوش و خروش ہے؛ میرے آغوش میں سینکڑوں نغمے پرورش پا رہے ہیں۔

ترجمہ: میاں عبدالرشید

میں کیا کہوں کہ آپ ﷺ کی محبت کیا ہے؛ آپ ﷺ کے فراق میں خشک لکڑی (حنانہ کا ستون) رونے لگی۔

ترجمہ: میاں عبدالرشید

مسلمان کا وجود آپ ﷺ کی تجلیات کا مہبط ہے؛ آپ ﷺ کی گرد راہ سے کئی طور پیدا ہوتے ہیں۔

ترجمہ: میاں عبدالرشید

آپ ﷺ کے آئینہ (ء قلب) نے مجھے وجود بخشا ؛ میری صبح آپ ﷺ کے سینے کے آفتاب کی مرہون منت ہے۔

ترجمہ: میاں عبدالرشید

پیہم تڑپ ہی میرے لیے تسکین کا باعث ہے؛ میری شام صبح محشر سے بھی زیادہ گرم ہے۔

ترجمہ: میاں عبدالرشید

آپ ﷺ ابر بہار ہیں اور میں آپ ﷺ کا باغ ہوں؛ میرے تاکستان کی تراوت آپ ﷺ کی باران (رحمت) سے ہے۔

ترجمہ: میاں عبدالرشید

میں نے محبت کی کھیتی میں نگاہ شوق بوئی؛ اور نظارہ جمال کی صورت میں پیداوار حاصل کی۔

ترجمہ: میاں عبدالرشید

مدینہ منوّرہ کی خاک دونوں جہانوں سے پیاری ہے؛ کیا ٹھنڈک پہنچانے والا ہے وہ شہر جہاں محبوب آرام فرما ہے۔

ترجمہ: میاں عبدالرشید

میں جامی کے انداز بیان پہ مفتوں ہوں؛ ان کی نظم اور نثر میری خامی کا علاج ہے۔

ترجمہ: میاں عبدالرشید

اس نے لبریز معنی شعر کہا ہے: گویا حضور ﷺ کی تعریف میں موتی پرو دیئے ہیں۔

ترجمہ: میاں عبدالرشید

'آپ ﷺ کتاب کونین کا مقدمہ ہیں؛ سارا جہان غلام ہے صرف آپ ﷺ آقا ہیں'۔

ترجمہ: میاں عبدالرشید

عشق کی شراب سے کئی کیفیتیں پیدا ہوتی ہیں؛ تقلید بھی عشق ہی کا ایک نام ہے۔

ترجمہ: میاں عبدالرشید

حضرت بایزید بسطامیؒ جو (محبت میں ) کامل تھے؛ وہ تقلید میں بھی بے مثال تھے۔ چنانچہ انہوں نے اس بنا پر خربوزہ کھانے سے اجتناب کیا کہ انہیں معلوم نہ تھا کہ حضور اکرم ﷺ نے اسے کس طرح کھایا۔

ترجمہ: میاں عبدالرشید

اگر تو عاشق ہے؟ تو محبوب ﷺ کی تقلید سے اپنے عشق کو محکم کر؛ تاکہ تو اللہ تعالیٰ کو اپنی محبت کی کمند میں لا سکے۔ (ان سے کہیں: اگر تم اللہ تعالیٰ سے محبت رکھتے ہو تو میری اتباع کرو، اللہ تعالیٰ تم سے محبت کرے گا۔)

ترجمہ: میاں عبدالرشید

تھوڑی دیر کے لیے اپنے دل کے غار حرا میں خلوت اختیار کر؛ اپنے آپ کو چھوڑ اور اللہ تعالیٰ کی طرف ہجرت کر۔

ترجمہ: میاں عبدالرشید

پھر اللہ تعالیٰ کی محبت سے محکم ہو کر اپنی طرف واپس آ؛ اور ہوس کے بتوں (لات و عزّی) کا سر توڑ دے۔

ترجمہ: میاں عبدالرشید

عشق کی قوّت سے لشکر تیار کر اور عشق کے فاران کی چوٹی پر جلوہ گر ہو۔

ترجمہ: میاں عبدالرشید

تاکہ رب کعبہ تجھے اپنی تجلی سے نواز دے؛ اور خلافت الہی کے بلند مرتبہ پر فائز کرے۔

ترجمہ: میاں عبدالرشید