بخش 8 - در معنی اینکه افلاطون یونانی که تصوف و ادبیات اقوام اسلامیه از افکار او اثر عظیم پذیرفته بر مسلک گوسفندی رفته است و از تخیلات او احتراز واجب است

یونان کا وہ قدیم تارک دنیا حکیم افلاطون اپنے عہد کے قدیم بھیڑوں کے ریوڑ میں سے تھا ۔

اس کا گھوڑا فلسفے کی تاریکی میں کھو گیا، وہ (گھوڑا) وجود کی کوہستان میں چلنے سے عاجز در ماندہ رہ گیا ۔

وہ نامحسوس کے فریب میں کچھ اس قدر مبتلا ہو گیا کہ اسے ہاتھ، آنکھ اور کان کے وجود کا اعتبار ہی نہ رہا ۔

اس نے کہا کہ زندگی کا راز مر جانے میں چھپا ہے شمع کے بجھ جانے ہی سے اس کے سینکڑوں جلوے ظاہر ہوتے ہیں ۔

وہ ہمارے خیالات پر چھایا ہوا ہے اس کا جام نیند لانے والا اور زمانے کو چھین لے جانے والا ہے ۔

(درحقیقت) وہ آدمی کے لباس میں ایک بھیڑ ہے، اس کا حکم صوفی کی روح پر پوری طرح غالب ہے(صوفی اس کے خیالات و افکار پر مٹے ہوئے ہیں ) ۔

اس نے اپنی عقل آسمان کی بلندیوں تک پہنچا دی، اس نے عالم اسباب یعنی اس مادی دنیا کو بے حقیقت کہا ۔

اس کا کام زندگی کے اجزا کا تجزیہ کرنا اور زندگی کے دل کش سرو کی شاخ کو کاٹنا ہے ۔

افلاطون کی فکر نے نقصان کو نفع کہا، اس کی حکمت نے وجود کو غیر وجود کہا ۔

اس کی فطرت سو گئی پھر اس نے ایک خواب پیدا کیا ۔ اس کے ہوش کی آنکھ نے ایک سراب کو تخلیق کیا (وجود میں لے آئی) ۔

وہ عمل کے ذوق سے کچھ زیادہ ہی محروم تھا ۔ اس کی روح معدوم کی دیوانی تھی(اس کی جان عدم محض پر مٹی ہوئی تھی) ۔

اس نے موجودات کے ہنگامے سے انکار کر دیا ۔ اس نے خارج میں غیر موجود اشیا تخلیق کیں ۔

جس شخص میں زندگی کی روح موجود ہے اسے یہ فانی دنیا اچھی لگتی ہے ۔ البتہ جس کا دل مر چکا ہو اس کے لیے وہ دنیا اچھی ہے جس کی محسوس اشیا اس کے نزدیک معدوم ہیں ۔

اس (افلاطون) کے ہرن کو خرام کے لطف سے کوئی حصہ نہ ملا (محروم ہے) اس کے چکور پر رفتار کی لذت حرام ہو گئی ۔ ہرن کا کمال چوکڑی بھرنا اور چکور کا کمال دلاویز طریق ہر چلنا ہے ۔ اگر یہ خوبیاں غائب ہو جائیں تو ان کو ہونا نا ہونا برابر ہے ۔

اس کی شبنم اڑ جانے کی طاقت سے بے نصیب ہے ۔ اس کے پرندے کے سینے میں نغمہ آرائی کا دم ہی نہ تھا( شبنم کی خوبی اڑنا اور پرندے کی خوبی گانا ہے) ۔

اس کے دانے میں نمو پانے (اگنے ) کا ذوق نہیں ہے ۔ اس کا پروانہ تڑپنے سے بے خبر ہے(تڑپ سے نا آشنا ہے) ۔

ہمارے تارک دنیا (افلاطون) کے لیے فرار کے سوا کوئی اور چارہ نہ تھا، اس میں اس دنیا کے ہنگامے (تنازع اور بقا کی جدوجہد ) کی طاقت نہ تھی (لہذا سب کچھ چھوڑ کر بھاگ گیا) ۔

اس نے بجھے ہوئے شعلے سے اپنا دل لگایا، اس نے اُس افیون خوردہ دنیا کی تصویر بنائی ۔

اس نے پر کھولے اور آسمان کی طرف اڑ گیا ۔ پھر وہ آشیانے میں نہیں اترا(واپس نہ پہنچا) ۔

آسمان کے مٹکے میں اس کا خیال گم ہو گیا مجھے علم نہیں کہ وہ تلجھٹ ہے یا مٹکے کے سر کی اینٹ ہے

قو میں اس کے غفلت انگیز (نشہ آور) فلسفے کے زہر کا شکار ہو گئیں ، وہ سو گئیں اور عمل کے ذوق سے محروم ہو گئیں ( جن قوموں نے افلاطون کا فلسفہ اختیار کیا وہ سو گئیں اور ذوق عمل سے محروم رہیں ) ۔