بخش 2 - دل بی‌قید من در پیچ و تابی‌ست

میرا آزاد دل بے چینی اور بے قراری کی حالت میں ہے ۔ اسے نہیں معلوم کہ میری قسمت میں سزا ہے یا جزا ۔

میں تو شیطان کے دل کو بھی تکلیف نہیں دے سکتا ۔ میرا کبھی کبھار کا گناہ بھی درست ہے ۔

شاعر اپنی معشوقہ ام اعمرو کی نا انصافی کی شکایت کرتے ہوئے کہتا ہے کہ تو نے ہمیں پیالہ شراب سے محروم کر دیا حالانکہ باری دائیں طرف بیٹھنے والوں کی تھی ۔ نوٹ: یہ شعر عربی زبان کے شاعر عمرو ابن کلثوم کا ہے جس کا تعلق زمانہ جاہلیت سے تھا ۔

اگر یہ دوستی نبھانے کی رسم ہے تو پیالے اور صراحی کو کعبے کی دیوار سے دے مار ۔

اپنے آپ سے لپٹے ہوئے لوگ دل کی قید میں ہیں ۔ یعنی اپنی معرفت اور خودی میں گم ہیں ۔ درد میں ڈوبے ہوئے ہیں اور ناقابل ِ علاج ہیں یا علاج کے خواہاں نہیں ۔

تو ہم سے سجدے کس لیے چاہتا ہے ۔ بادشاہ ویران (برباد) گاؤں سے کوئی خراج نہیں لیتے ۔

میں اس راستے پر جا رہا ہوں جس کی کوئی منزل نہیں ہے کہ میں جو بیج بوتا ہوں اس سے کچھ حاصل نہیں ہوتا ۔

میں غموں سے نہیں ڈرتا لیکن مجھے وہ غم نہ دے جو میرے دل کے شایانِ شان نہ ہو ۔

میری شراب کو تھوڑے پیالے پینے والوں (کم ظرفوں ) سے بچا کر رکھ، پختہ شراب کو خام یعنی نا اہل لوگوں سے بچا کر رکھ ۔ شراب سے مراد شاعری میں دیا گیا پیغام ہے ۔

چنگاری کا نرسل (یا بانس) کے جنگل سے زیادہ دور رہنا ہی بہتر ہے ۔ میری شراب خاص لوگوں کو عطا کر اور عام لوگوں سے بچا کر رکھ ۔

تمہاری طلب میں وہ کشمکش نہیں ہے (جو میری طلب میں ہے) تمہارے اندر وہ درد ، جلن ، تڑپ اور بے چینی نہیں ہے ۔

میں لا مکاں سے اس لیے بھاگا تھا کہ وہاں آدھی رات کی گریہ زاری نہیں ہے ۔

مجھ سے اس جہان میں ہنگامہ پیدا کر اور زمین و آسمان کو انقلاب سے دوچار کر دے ۔

ہماری مٹی سے ایک نیا انسان آدم پیدا کر ۔ اور اس آدمی کو قتل کر دے جو فائدے اور نقصان کا غلام ہے ۔

یہ جہان سورج سے روشن ہونے کی بجائے اور تاریک ہو گیا ہے ۔ اس کی خوبیاں بھی سر تا پا برائیاں ہیں ۔

میں نہیں جانتا کہ تو کب تک ایک ویرانے کو آدمی کے خون سے ظاہری چمک دمک دیتا رہے گا ۔

میں غلام ہوں اور تیری خوشنودی کے سوا کچھ تلاش نہیں کرتا (راضی برضا ہوں ) میں اس راہ کے سوا نہیں چلتا جس پر چلنے کا تو نے حکم دیا ۔

اور لیکن اگر تو اس ناسمجھ کو یہ کہے کہ گدھے کو عربی گھوڑا کہہ تو میں نہیں کہوں گا ۔