بخش 1 - دل ما بی‌دلان بردند و رفتند

ہمارے دل کو عاشق لے گئے اور چلے گئے ۔ وہ شعلے کی طرح بجھ گئے اور اس دنیا سے چلے گئے ۔

آ، ایک لمحے کے لیے اپنے عام بندوں سے ملاقات کر (گھل مل) کہ تیرے خاص بندوں نے شرابیں پیں اور چلے گئے (تیرے خاص بندے تو شراب پی کر اس دنیا سے رخصت ہو گئے) ۔

میرے موجود ہونے یانہ ہونے پر بہت سی باتیں ہوئیں میں نے شرمندگی کی وجہ سے لب نہیں کھولے ۔

تو زندہ بندوں (اللہ کی عبادت صحیح معنوں میں کرنے والے) کے سجدوں کو پہچانتا ہے، میرے عمل کے معیار کا اندازہ میرے سجدوں سے کر ۔

میرا دل کیسے اور کتنا کے حل میں ہے ۔ یعنی زندگی اور کائنات کی حقیقت کو جاننا چاہتا ہے اس کی نظر چاند اور ثریا سے بھی بلند ہے ۔

اس کو دوزخ میں کوئی ویرانہ نہ دے کہ یہ کافر تنہائی کو زیادہ پسند کرنے والا ہے ۔

یہ کیا شور ہے جو پانی اور مٹی یعنی جسم انسانی میں برپا ہے، ایک دل سے عشق کو سو مصیبتوں کا سامنا ہے ۔

ایک لمحے کا سکون مجھ پر حرام ہے ۔ مجھ پر رحم کرکہ میرا کام دل سے آ پڑا ہے ۔

دنیا کو اپنے آپ سے کس نے الگ کیا ہے، اس کا جمال کس کا روشن جلوہ ہے ۔

تو مجھ سے کہتا ہے کہ شیطان سے بچ، مجھ سے کہہ کہ وہ کس کا پالا ہوا ہے ۔